Siońnia ŭ Pałacie pradstaŭnikoŭ pavinna była adbycca sustreča z delehacyjaj Jeŭrapiejskaha parłamienta. Jana admianiłasia pa vinie jeŭrapiejskaha boku, zajaviŭ žurnalistam staršynia Pastajannaj kamisii pa mižnarodnych spravach Andrej Savinych, pieradaje BIEŁTA.
«Sustrečy nie budzie pa vinie jeŭrapiejskaha boku. My hatovyja byli da dyjałohu ŭ kantekście našych tradycyjnych kaštoŭnaściaŭ biełaruskaj zamiežnaj palityki, — skazaŭ Andrej Savinych. — Na žal, siońnia naša praciahnutaja ruka zastałasia pustoj».
«Što ž, my ŭ lubym vypadku praciahniem adkrytuju palityku, — padkreśliŭ deputat. — Budziem spadziavacca, što kali-niebudź našy jeŭrapiejskija partniory zrazumiejuć značnaść i kaštoŭnaść takoha padychodu».
Metaj vizitu pavinna było stać aznajamleńnie novaabranych členaŭ biuro delehacyi sa stanam i pierśpiektyvami biełaruska-jeŭrapiejskich adnosin.
U sustrečy pavinny byli pryniać udzieł namieśniki staršyni delehacyi Jeŭraparłamienta pa suviaziach ź Biełaruśsiu — Valdemar Tamašeŭski (Litva), Karyn Karłsbro (Šviecyja), a taksama pastajanny dakładčyk pa Biełarusi kamiteta Jeŭraparłamienta pa zamiežnych spravach Piatras Aŭštravičus (Litva)
