Fota Nadziei Bužan
22 lutaha ŭ 7.10 ranicy ŭ minskim aeraporcie pryziamliŭsia samalot, jaki vylecieŭ z Baku. Jak stała viadoma siońnia, na borcie byŭ chvory na karanavirus student ź Irana. Jon ciapier u Minskaj infiekcyjnaj balnicy, piša Tut.by.
— Siońnia ranicaj pryjechaŭ na pracu, pačytaŭ naviny i daviedaŭsia pra karanavirus. Chaču prosta zaraz zdać analizy, jak heta možna zrabić? Adčuvaju siabie dobra, tempieratury niama, ale ja čytaŭ, što karanavirus moža nijak nie prajaŭlacca. U mianie maleńkaja dačka i trochi aścierahajusia, — raspaviadaje TUT.BY minčanin Viktar.
Ranica piatnicy 28 lutaha pačałasia z aficyjnaj zajavy Ministerstva achovy zdaroŭja: testy, praviedzienyja ŭ Respublikanskim navukova-praktyčnym centry epidemijałohii i mikrabijałohii, pakazali najaŭnaść karanavirusa 2019-nCoV u adnaho sa studentaŭ ź Irana. Jon prylacieŭ z Baku ŭ Minsk 22 lutaha.
U toj dzień byŭ tolki adzin rejs u 4.35 ranicy — i mienavita im lacieŭ Viktar.
— Ja viartaŭsia z kamandziroŭki, samalot byŭ nievialiki, ale pustych miescaŭ nie było. Dumaju, u samalocie byŭ nie adzin iraniec, byŭ źmiašany rejs, ź ich pałova biełarusaŭ, — kaža Viktar. Adrazu paśla našaj razmovy jon źbirajecca źviarnucca ŭ balnicu.
Palot ažyćciaŭlaŭsia na Boeing 737-5Q8, jon moža pieravieźci ad 126 da 132 čałaviek (zaležyć ad kampanoŭki sałona). Plus — ekipaž.
«Biełavija» situacyju nie kamientuje, a ŭ aeraporcie Hiejdara Alijeva ŭ Baku paviedamili, što avijaznosiny ź Iranam nie pierapynienyja, samaloty prylatajuć pa raskładzie.
Karanavirus pryjšoŭ u Biełaruś: student BNTU ź Irana i jaho atačeńnie ŭ infiekcyjoncy
