Śmiarotnaść ad novaha karanavirusa ŭ krainach Jeŭropy budzie raści ŭ bližejšy čas, bo mnohija krainy znachodziacca tolki na pačatkovaj stadyi epidemii, zajaviŭ aficyjny pradstaŭnik Suśvietnaj arhanizacyi achovy zdaroŭja Taryk Jazarevič, piša ria.ru.
«Uspyška u Italii raźvivałasia daŭžej, čym u inšych krainach Jeŭropy, i tamu bolš pacyjentaŭ albo buduć vypisanyja, albo pamruć. U inšych jeŭrapiejskich krainach, jakija znachodziacca na bolš rańnim etapie epidemii, śmiarotnaść całkam moža pačacca ŭ bližejšyja dni i tydni», — skazaŭ jon.
Pa słovach Jazareviča, ekśpierty SAAZ pakul nie mohuć pradkazać, kali ŭ Italii nastupić pik zaražeńniaŭ, adnak mnohija achviary karanavirusa zachvareli jašče 2-3 tydni tamu.
«Rezki rost z troch da sotniaŭ vypadkaŭ za niekalki dzion abmiežavaŭ mahčymaści Italii adsočvać kantakty i izalavać ich. Vialikaj prablemaj stała toje, što ŭ šerahu vypadkaŭ na poŭnačy Italii nie było vyraznaj epidemijałahičnaj suviazi. Tyja, chto pamierli ad COVID-19, byli ŭ siarednim infikavanyja 2-3 tydni tamu», — skazaŭ jon.
Suśvietnaja arhanizacyja achovy zdaroŭja (SAAZ) 11 sakavika abviaściła vybuch novaha karanavirusa COVID-19 pandemijaj. U śviecie zaražanyja ŭžo bolš za 153 tysiačy čałaviek bolš jak u 140 krainach, bolšaść ačuniali, 5,7 tysiačy pamierli.
