U Minsku ašukancy pradstaŭlalisia supracoŭnikami «Minskenierha», niezakonna akazvajučy haradžanam płatnyja pasłuhi, paviedamlajuć Minsk-Naviny.
Adzin ź incydentaŭ adbyŭsia ŭ sakaviku. U šmatkvaterny dom na vuł. Adzincova pryjšoŭ machlar, jaki pradstaviŭsia rabotnikam enierhazabieśpiačalnaha pradpryjemstva, jaki ažyćciaŭlaje pravierku ličylnikaŭ. Žycharcy adnoj z kvater «enierhietyk» skazaŭ, što joj patrabujecca zamianić aŭtamatyčny vyklučalnik. Jon prapanavaŭ svaje pasłuhi, jakija buduć kaštavać 45 rubloŭ.
U «Minskenierha» zaklikajuć hramadzian być uvažlivymi i pilnymi. Padčas takich pravierak supracoŭniki arhanizacyi pavinny pradjaŭlać paśviedčańnie. Kali dakumienta niama, u kvateru takich «praviaralščykaŭ» lepš nie puskać.
Taksama ŭ arhanizacyi nahadali, što supracoŭniki pradpryjemstva nie majuć prava na miescy akazvać pasłuhi pa zamienie jakich-niebudź detalaŭ abo zaklučać damovy. Jany tolki kantralujuć pakazańni elektraličylnikaŭ abo pravodziać raboty pa zamienie i paviercy pryboraŭ uliku elektraenierhii, jakija ŭ płanavym paradku biaspłatnyja.