Apošnimi dniami ŭ Biełarusi adbyvalisia zatrymańni i vykliki ŭ milicyju prychilnikaŭ zatrymanaha błohiera Siarhieja Cichanoŭskaha, a taksama tych, chto pačaŭ vychodzić pa niadzielach na hałoŭnyja płoščy svaich haradoŭ i kormić hałuboŭ u znak salidarnaści z ekałahičnymi aktyvistami Bresta.
Fota: belsat.eu
Na viečar 9 maja pravaabaroncy dakładna vałodajuć infarmacyjaj pra 46 aktyvistaŭ i prychilnikaŭ błohiera Siarhieja Cichanoŭskaha, jakija zaraz znachodziacca za kratami. Ź ich 17 čałaviek asudžany na aryšty terminam ad 2 da 15 sutak (u ich liku i Siarhiej Cichanoŭski, jaki adbyvaje aryšt, prysudžany jamu jašče ŭ studzieni). Sudy prachodzili ŭ piaci haradach: Homieli, Viciebsku, Lidzie, Harodni, Mahilovie. Ahulnaja kolkaść atrymanych sutak — 132. U izalatarach 29 čałaviek čakajuć sudoŭ. Ahułam paśla zatrymańnia błohiera Cichanoŭskaha 6 maja za try dni pa ŭsioj krainie byli zatrymany kala 100 čałaviek.