Fota Nadziei Bužan
Biełaruś viadzie pieramovy ab pryciahnieńni $3 miljardaŭ źniešnich resursaŭ, zajaviŭ ministr finansaŭ krainy Maksim Jermałovič.
«Kali sumarna ŭsio acanić, to siońnia ŭ pieramoŭnaj paviestcy Ministerstva finansaŭ i Nacbanka znachodzicca suma, roŭnaja $3 młrd», — cytuje Jermałoviča Interfax.by.
Frahmient kamientara ministra pakazaŭ ANT.
Jak paviedamlałasia, Biełaruś raźličvaje na maštabnaje pryciahnieńnie źniešnich resursaŭ dla padtrymki i stymulavańnia ekanomiki va ŭmovach recesii na fonie hłabalnaj pandemii karanavirusa.
U siaredzinie krasavika pieršy vice-premjer Biełarusi Dźmitryj Kruty aceńvaŭ patencyjał zapazyčańniaŭ na ŭzroŭni $ 2-2,5 młrd.
Raniej taksama paviedamlałasia, što Biełaruś viadzie pieramovy ab pryciahnieńni resursaŭ praktyčna z usimi asnoŭnymi mižnarodnymi fininstytutami — MVF, SB, JEBRR, JEIB, ABII. Taksama pačaty pieramovy z Kitajem ab pryciahnieńni dźviuch suvierennych pazyk.