Juryj Zisier, fota Vadzima Zamiroŭskaha
Siońnia adbyłosia raźvitańnie z zasnavalnikam Tut.by i miecenatam Juryjem Zisieram, što pamior u niadzielu paśla nievylečnaj chvaroby. Rodnyja i kalehi prasili nie prychodzić na pachavańnie z-za niebiaśpieki karanavirusa, paabiacaŭšy arhanizavać sustreču pamiaci paźniej.
Žonka Juryja Zisiera Julija Čarniaŭskaja napisała ŭ svaim fejsbuku:
«Siońnia raźvitalisia ź Juram. Vuzkim kołam. Ciopła, pryhoža, z uspaminami, čaściej viasiołymi, čym sumnymi. Usie kvietki, jakija vy dasyłali, pajšli na nieba ź Juram. Dziakuj za ich. Tyja, što la doma lažać, my pakinuli. Chaj ludzi spyniacca i niešta adčujuć. Dziakuj usim, chto napisaŭ ab im u hetyja dni. Usim, chto napisaŭ mnie. Usim, chto zapłakaŭ abo zasmutkavaŭ. Usim, chto ciopła pra jaho padumaŭ. Vy zmožacie ź im raźvitacca paźniej, ja abiacaju. A ciapier treba dumać, jak žyć bieź jaho. Pakul nie ŭjaŭlaju. Ale ja pasprabuju».
