Pamior 68-hadovy doktar-terapieŭt filijała № 1 Bresckaj haradskoj palikliniki № 1 Valeryj Ivanavič Jaskievič. Infarmacyju pra śmierć supracoŭnika TUT.BY paćvierdzili ŭ miedycynskaj ustanovie, dzie jon pracavaŭ.
Valeryj Ivanavič pracavaŭ u filijale № 1 haradskoj palikliniki z 1993 hoda, paviedamiła namieśnik zahadčyka filijała Zinaida Chvorast. Pavodle jaje źviestak, śmierć doktara nie źviazanaja z COVID-19.
— Śviedčańni pra śmierć ja nie bačyła, tamu śćviardžać abo abviarhać nie mahu — patłumačyła Zinaida Ivanaŭna.
Pa słovach kaleh, Valeryj Ivanavič da apošniaha pracavaŭ. Kali adčuŭ prykmiety zachvorvańnia, syšoŭ na balničny. Jaho špitalizavali ŭ haradskuju balnicu №1.
«U miedyčnym zaklučeńni dajecca rasšyfroŭka, što śmierć nastupiła nie praz zachvorvańnie COVID-19. Jon byŭ tolki spadarožnym», - raspavioŭ partału «Pieršy Rehijon» hałoŭny ŭrač palikliniki Uładzimir Klimienka.
20 červienia Valeryja Ivanaviča pachavali, paviedamiła namieśnik hałoŭnaha doktara Bresckaj haradskoj palikliniki № 1 Ała Kandraciuk.
Proźvišča Valeryja Ivanaviča ŭnieśli ŭ elektronny śpis pamiaci miedrabotnikaŭ, jakija pamierli padčas pandemii COVID-19.
