Paśla adkryćcia militarnaha «skansena» «Linija Stalina» biełarusy atrymali ad uładaŭ jašče adzin «padarunak». Ustalavańnie ŭžo treciaha ŭ krainie pomnika Dziaržynskamu – jašče adzin admietny znak na šlachu adkatu da stalinizmu.
Zrazumieła, chto asabista daŭ «dabro» na ŭstalavańnie takoha manumenta. Viadoma, što adkryvali jaho hałoŭny čekist i hałoŭny pamiežnik respubliki. Viadoma taksama, što «šedeŭr» jość dakładnaj kopijaj taho, što 16 hadoŭ tamu byŭ demantavany na maskoŭskaj Łubianskaj płoščy.
Ale čamuści saramliva zamoŭčvajecca, chto sa skulptaraŭ adchapiŭ i vykanaŭ plahijatarskuju zamovu.
I ci nie nadumajucca łukašysty, tradycyjna ŭžo pracujučy na apieradžeńnie małodšaha brata-rasiejca, pastavić pierad Pałacam Respubliki kudy bolš maštabny stod – kštałtu taho, što stajaŭ na staličnaj płoščy da 1953 hodu?!
