Jakob John Seewald
Papa na piensii Bieniedykt XVI, jaki admoviŭsia ad pasadu ŭ 2013 hodzie, ciažka chvory, paviedamlaje bavarskaja hazeta Passauer Neue Presse sa spasyłkaj na bijohrafa adstaŭnoha pantyfika Pietera Ziejevalda.
Pavodle jaho słoŭ, paśla viartańnia z pajezdki ŭ Bavaryju na pachavańnie svajho brata Hieorha Ratcynhiera, jaki pamior 1 lipienia va ŭzroście 96 hadoŭ, 93-hadovy Bieniedykt XVI zachvareŭ na rožystaje zapaleńnie (infiekcyjnaje zachvorvańnie, vyklikanaje streptakokami). Chvaroba vyklikaje ŭ papy mocny bol, časam jon ledź moža havaryć, ale jaho rozum i pamiać pa-raniejšamu ŭ poŭnym paradku, śćviardžaje Ziejevald.
Pa słovach bijohrafa, Bieniedykt XVI, ź jakim jon sustrakaŭsia 1 žniŭnia, byŭ nastrojeny aptymistyčna i skazaŭ, što maje namier, kali dazvolić zdaroŭje, praciahnuć pracu nad miemuarami (razam ź Ziejevaldam jany vypuścili čatyry knihi intervju).
