Vykanaŭčaha dyrektara hramadskaj arhanizacyi «Adkrytaja Rasija» Andreja Pivavarava i členaŭ pieciarburhskaha adździaleńnia Daniiła Patapava i Alaksandra Fiedasiejeva zatrymali na rasijska-biełaruskaj miažy, jany jechali nazirać za vybarami prezidenta, piša RBK.
«Usie astatnija pasažyry prajechali spakojna, a ich źniali z rejsa. Jany paśpieli nam heta paviedamić, paśla hetaha suviaź ź imi pierarvałasia, da hetaha času my nie možam da ich datelefanavacca», — udakładnili ŭ arhanizacyi. Členy «Adkrytaj Rasii» pryjechali da miažy roznymi aŭtobusami.
Advakat arhanizacyi niekalki razoŭ sprabavaŭ daviedacca ŭ supracoŭnikaŭ pamiežnaha punkta, dzie spynili mužčyn, ich miescaznachodžańnie. U vyniku jamu paviedamili, što Patapava i Fiedasiejeva viazuć u Pskoŭ ź nieviadomymi metami. Dzie znachodzicca Pivavaraŭ, pakul što nieviadoma.
