Prezident Ukrainy Uładzimir Zialenski zajaviŭ 25 žniŭnia na sielektarnaj naradzie, što dla hramadzian Biełarusi z-za napružanaj unutrypalityčnaj situacyi treba spraścić ujezd u krainu. Pra heta paviedamlaje aficyjny sajt prezidenta Ukrainy.
Na naradzie adznačałasia, što ŭ śviecie nazirajecca rost zachvorvańnia ludziej COVID-19, tamu ŭkrainski ŭrad raspracoŭvaje rehłamient zabarony na ŭjezd va Ukrainu zamiežnych hramadzian z krain «čyrvonaj zony» terminam na 30 dzion.
Uładzimir Zialenski zajaviŭ, što dla biełarusaŭ treba praduhledzieć źmiakčeńnie ŭmoŭ ujezdu va Ukrainu.
«Jak my možam zabaranić ujezd biełarusam, asabliva ŭličvajučy vielmi napružanuju ŭnutrypalityčnuju situacyju ŭ ich? Dumaju, što treba razumna prapisać palehčanyja ŭmovy ŭjezdu biełarusaŭ da nas. Heta vielmi dalikatnaja tema — treba ŭličvać usio», — prapanavaŭ prezident Ukrainy.
