Redakcyja haziety «Narodnaja Vola» padrychtavała čarhovy numar, jaho nadrukavali ŭ maskoŭskaj typahrafii i pryvieźli ŭ Biełaruś. Numar učora addali ŭ ekśpiedycyju, na «Biełpoštu». Čakałasia, što siońnia hazieta źjavicca ŭ kijoskach i ŭ padpisčykaŭ. Ale hetaha nie adbyłosia, piša BAŽ.
«Biełpošta» tłumačyć heta tym, što redakcyja zapozna zdała numar, tamu hazieta nie dajšła da padpisčykaŭ pa jaje vinie.
«My siońnia vyrašajem pytańnie, kab dastaŭlać hazietu ŭ termin. My nastojvajem na tym, kab numar adpravili padpisčykam, bo jany za heta zapłacili. Nie my stvaryli hetuju situacyju, situacyju stvaryła ŭłada i biełaruski Dom druku», — raspaviała Maryna Koktyš, namieśnica redaktara «Narodnaj Voli».
Redakcyja budzie vystaŭlać jurydyčnyja pretenzii da «Biełpošty».
