Chodziać upartyja čutki, što asobnyja kiraŭniki BSDP(H) pačali pošuki novaha lidera partyi, bo nia majuć nadziei na chutkaje vyzvaleńnie Alaksandra Kazulina z-za krataŭ.
Pieramovy iduć z «palityčna blizkim» lideram kiraŭnikom Partyi kamunistaŭ biełaruskaj Siarhiejem Kalakinym, jakomu pahražaje značnaje skaračeńnie, kali nie sucelnaje zakryćcio partyi paśla abjadnaŭčaha źjezdy PKB i KPB.
Druhim pretendentam na pasadu staršyni partyi nazyvajuć eks-ministra zamiežnych spravaŭ Piatra Kraŭčanku. U siaredzinie 90-ch jon užo ŭvachodziŭ u sacyjał-demakratyčnuju partyju i byŭ siabrom jaje frakcyi ŭ Viarchoŭnym Saviecie.
Samym ža niečakanym pretendentam na kresła staršyni vyhladaje pieršy kiraŭnik Administracyi prezydenta Leanid Sinicyn: u 2001 h. jon užo rabiŭ sprobu viarnuccca ŭ biełaruskuju palityku, vyłučyŭšysia na prezydenckich vybarach. Adnak chutka źniaŭ svaju kandydaturu j viarnuŭsia ŭ Rasieju, dzie ciapier maje biznes, źviazany z handlem metałam.