Mery 80 bujnych haradoŭ śvietu padpisali dekłaracyju, u jakoj zaklikali hramadstva pieratvaryć hałoŭnyja suśvietnyja miehapolisy ŭ «harady ź nizkimi vykidami vuhlakisłaha hazu». Heta adbyłosia Sieŭle pa zaviaršeńni samitu samych bujnych haradoŭ śvietu, jakija ŭvachodziać u arhanizacyju S40.
Samit staŭ repietycyjaj pierad śniežańskaj kanfierencyjaj AAN u Kapienhahienie. Na kanfierencyi maje być raspracavanaja novaja mižnarodnaja damova, jakaja paśla 2012 h zamienić Kijocki pratakoł. Damovaj buduć ustalavanyja novyja kvoty vykidu CO2, u tym liku i dla Biełarusi, jakaja dałučyłasia da damovy ŭ 2004 hodu.
Zasnavaŭ S40 (Climate Leadership Group 40) «čyrvony Ken» — były mer Łondana Ken Livinhstan. Jaje čalcami źjaŭlajucca 40 najbujnych haradoŭ śvietu — Ńju‑Jork, Paryž, Bierlin, Sieŭł, Varšava, Tokio, Maskva i inš., a jašče 13 haradoŭ źjaŭlajucca asacyjavanymi čalcami. Stalica Biełarusi ŭ hetym śpisie pakul adsutničaje.
