19 studzienia Natalla Chierše napisała aficyjnuju zajavu na admovu ad charčavańnia. Paśla hetaha jaje pieraviali ŭ kameru ź lepšymi ŭmovami. Ciaham troch dzion joj pieradali 38 listoŭ.
Natalla spyniła haładoŭku, bo jaje patrabavańni vykanali. Ciapier jana ŭ dobrym nastroi, adčuvaje siabie badziora, pieradaje advakat źniavolenaj.
Hramadzianku Švajcaryi i Biełarusi Natallu Chierše 7 śniežnia adpravili na dva z pałovaj hady ŭ kaloniju za supraciŭ milicyjantu. Pavodle kryminalnaj spravy, 19 vieraśnia Chierše zatrymali na mitynhu. Padčas zatrymańnia Natalla nia vykanała patrabavańnia pajści ŭ spectranspart i schapiła 22-hadovaha amapaŭca Siarhieja Končyka za tvar. Sarvała bałakłavu, tym samym «sapsavała formiennaje abmundziravańnie» i «naniesła cialesnyja traŭmy» ŭ vyhladzie drapin. Materyjalnaja škoda za sapsavańnie bałakłavy skłała ŭsiaho 1 rubiel.
Biełaruskija pravaabaroncy paličyli prysud niepraparcyjnym parušeńniu, palityčna matyvavanym i pryznali Natallu Chierše palityčnym viaźniem.
Jašče adzin biełaruski palitviazień, administratar telehram-kanału «Biełaruś hołovnoho mozha» i kansultant «Radyjo Svaboda» Ihar Łosik, praciahvaje haładoŭku pratestu ŭžo 39 dzion. Jon za kratami z 25 červienia (užo 209 dzion), haładoŭku abviaściŭ 15 śniežnia, kali jamu vystavili novyja abvinavačańni — u padrychtoŭcy da ŭdziełu ŭ masavych biesparadkach. Raniej Łosika abvinavačvali ŭ arhanizacyi albo padrychtoŭcy dziejańniaŭ, jakija hruba parušajuć hramadzki paradak.
Čytajcie:
«U Šviejcaryi ŭ jaje było cudoŭnaje žyćcio, ale jana ličyła, što ciapier musić być na radzimie». Chto takaja Natalla Chierše, jakuju pasadzili za sarvanuju bałakłavu
Pravaabaroncy pryznali hramadzianku Šviejcaryi Natallu Chierše palitviaźniem
Što adbyvajecca z čałaviekam padčas haładoŭki? Raskazvajuć doktar i biełarus, jaki haładaŭ na pratest piać razoŭ
