Zatrymańni kala suda. Fota RBK
Pasiadžeńnie pa spravie Navalnaha prachodzić u adkrytym dla presy režymie, niahledziačy na dziejnyja ŭ staličnych sudach karanavirusnyja abmiežavańni: na bolšaść pracesaŭ mohuć trapić tolki ich udzielniki. Pasiadžeńnie Simanaŭskaha suda idzie ŭ vyjaznym režymie ŭ budynku Masharsuda, dzie jość vialikaja zała i mahčymaść pravieści tranślacyju ŭ asobnym pamiaškańni, piša RBK.
U zale suda znachodziacca žonka Alaksieja Navalnaha Julija i jahonyja advakaty.
Pierad pačatkam pasiadžeńnia Navalny źviarnuŭsia da svajoj žonki: «Kažuć, što ty ŭvieś čas parušaješ hramadski paradak. Drennaja dziaŭčynka, hanarusia taboj», — kaža palityk, majučy na ŭvazie, pa ŭsioj bačnaści, zatrymańni Julii Navalnaj na niaŭzhodnienych akcyjach pratestu ŭ Maskvie.
Siońnia kala suda zatrymali bolš za 20 čałaviek.
Navalny viarnuŭsia ŭ Rasiju 17 studzienia ź Niamieččyny, dzie prachodziŭ lačeńnie ad atručvańnia jadam hrupy «Navičok». Adrazu pa prylocie jon byŭ zatrymany.
