Fota Nadziei Bužan.
Ekśpierty rekamiendujuć pry patrebie lepš abaranić siabie nasić dźvie maski adnačasova. Heta zabiaśpiečvaje bolš nadziejnuju achovu ad čaścic ź virusam, dziakujučy dvum słajam. Akramia hetaha, dźvie maski bolš ščylna prylahajuć da tvaru i tym samym źmianšajuć kolkaść zazoraŭ, piša vydańnie The Wall Street Journal.
Najlepšy šlach zrabić dvajnuju masku — pad masku z tkaniny nadzieć chirurhičnuju masku. Maska z tkaniny taksama moža dapamahčy, kali jaje vykarystoŭvać z reśpiratornaj maskaj KF94.
Druhaja maska, jak praviła, nie patrebna pry našeńni reśpiratornaj maski N95 abo jaje ekvivalentu KN95, jakija abaraniajuć jak minimum ad 95% čaścic.
Palepšyć achovu taksama dapamahaje filtr, jaki nadziavajecca na rot i nos. Adnak kali filtr pakryvaje zamałuju płošču tvaru, jaho karyść źmianšajecca. Varta pamiatać, što filtry nieabchodna zamianiać, kali tam źbirajecca vilhać i brud. Ekśpierty rajać nasić maski, pašytyja adrazu ź filtram.
Usio bolš daktaroŭ rekamiendujuć nasić reśpiratornuju masku N95, pryznačanuju pierš za ŭsio dla miedycynskich rabotnikaŭ. Ekśpierty śćviardžajuć, što hety typ masak dapamahaje tym, chto pracuje ŭ zakrytych pamiaškańniach i kantaktuje ź vialikaj kolkaściu ludziej. Blizki varyjant N95 — maska KF94, jakuju možna zamović u internecie.
Vialiki niedachop chirurhičnych masak zaklučajecca ŭ tym, što jany prylahajuć niedastatkova ščylna da tvaru, tym samym mohuć prapuskać zaraznyja čaścicy. Mienavita tamu z chirurhičnaj maskaj varta nasić jašče adnu z tkaniny.
Kab zrazumieć, ci pravilna maska raźmiaščajecca na tvary, pasprabujcie ŭdychnuć — maska razam z patokam pavietra pavinna prycisnucca da tvaru. Varta hladzieć, kab nie było nijakich zazoraŭ z bakoŭ maski ci reśpiratara. Kali akulary zapaciavajuć, to pavietra prasočvajecca ź vierchniaj častki maski ci reśpiratara, čaho być nie pavinna.
Jašče adzin test na pravilnaje našeńnie maski ci reśpiratara: varta stać pierad lusterkam i vydychnuć z usioj siły. Kali vy mihnuli, to vierahodna, što pavietra, jakoje prasočvajecca z maski, trapiła na pavieki. A heta značyć, što maska niaščylna prylahaje da tvaru.
