Novaja mutacyja karanavirusa — nihieryjski štam — znojdzienaja na poŭnačy Italii, u Brešyi. Jak paviedamlaje ahienctva ANSA, prezident Italjanskaha tavarystva virusołahaŭ i dyrektar mikrabijałahičnaj łabaratoryi Arnalda Karuza, jaki zajaviŭ ab jaho vyjaŭleńni, ličyć, što najaŭnyja vakcyny mohuć być nieefiektyŭnyja suprać hetaha štamu, piša TASS.
«Upieršyniu ŭ Italii my vyłučyli štam (nihieryjski), adznačany mutacyjami, suprać jakich ciapierašnija vakcyny mohuć być nieefiektyŭnyja», — pryvodzić słovy ekśpierta ahienctva. Pry hetym padrabiaznaściaŭ pra asablivaści štamu nie padajecca.
U rajonie Brešyi, dastatkova zakranutaj pandemijaj viasnoj minułaha hoda, znoŭ raście kolkaść zaražeńniaŭ, što viadzie da ŭzmacnieńnia žorstkaści karancinnych mier.
Na ciapierašni momant brytanski štam, jaki ličycca bolš zaraznym, pieravažaje na 54-64% u krainie. U pačatku lutaha jaho pašyreńnie siarod infikavanych było mienš za 20%.
Śpiecyjalisty ŭ Italii na fonie novaha rostu kolkaści zaražeńniaŭ kažuć pra nastup «treciaj chvali» pandemii. Urad pryniaŭ rašeńnie začyniać usie škoły i dziciačyja sady ŭ «čyrvonych» zonach z najbolš niespryjalnaj epidemijałahičnaj situacyjaj, dzie na 100 tysiač nasielnictva prypadaje bolš za 200-250 infikavanych. Dahetul małodšaja škoła i dziciačyja sady pracavali navat va ŭmovach mini-łakdaŭnu.
Kolkaść infikavanych ad pačatku pandemii ŭ Italii nabližajecca da 3 młn, bolš za 98 tys. pamierli ad nastupstvaŭ karanavirusa. Za apošnija sutki kolkaść infikavanych u krainie vyrasła na 17 tysiač, śmiarotnych zychodaŭ — na 343.
