Ukrainskaja śpiavačka Maruv, jakaja, miarkujučy pa afišach, pavinna była stać adnym z chedłajnieraŭ «Słavianskaha bazaru», admoviłasia ad udziełu ŭ kancertach fiestyvalu.
Raniej nakont «Bazaru» vykazalisia komik Michaił Hałuścian i śpiavak Alaksandr Ivanoŭ. Jany vykazali salidarnaść ź biełarusami i zajavili, što ich uklučyli ŭ śpis udzielnikaŭ bieź ich viedama. Jany ŭ Viciebsk nie pryjeduć, jak i repier Homie, jaki admoviŭsia ad zaprašeńnia.
Za vystupy rasijskich zorak arhanizatary fiestyvalu płaciać vialikija hrošy, u toj ža čas dziasiatki biełaruskich hurtoŭ znachodziacca ŭ «čornych śpisach» i nie mohuć davać kancertaŭ u svajoj krainie.
U Instahramie ŭ zvarotach da artystaŭ, zaprošanych u Viciebsk, ludzi raskazvajuć pra masavyja falsifikacyi, aryšty i katavańni.
Raniej u vyniku zvarotaŭ da artystaŭ biełarusy vymusili łukašenkaŭcaŭ admianić ahitacyjnyja kancerty napiaredadni vybaraŭ, praktyčna ŭsie zamiežnyja zorki admovilisia jechać.
