«Z metaj uzmacnieńnia kantrolu za vykanańniem pamiežnaha režymu, papiaredžańnia pravaparušeńniaŭ i abarony nacyjanalnaj biaśpieki na dziaržaŭnaj miažy Ukrainy ŭ miežach Biarozaŭskaj, Starasielskaj, Vysockaj, Milackaj, Łoknickaj i Zarečanskaj abjadnanych terytaryjalnych supołak Sarnienskaha i Varaskaha rajonaŭ Rovienskaj vobłaści ŭviedzienyja dadatkovyja časovyja režymnyja abmiežavańni», — havorycca ŭ paviedamleńni.
Pamiežniki ŭdakładnili, što abmiežavańni praduhledžvajuć zabaronu roznaha kštałtu rabot z 22:00 da 06:00 ad pamiežnych znakaŭ u hłybiniu pamiežnaj pałasy na adlehłaść da 100 m i ruchu transpartnych srodkaŭ i asob darohami, jakija adsutničajuć u rejestry aŭtamabilnych daroh i viaduć da linii dziaržaŭnaj miažy, z 22:00 da 06:00.
Akramia taho, zabaraniajecca stajanka transpartnych srodkaŭ na ŭzbočynach daroh pamiž linijaj dziaržaŭnaj miažy i punktami propusku, ruchu transpartnych srodkaŭ u abjezd aŭtamabilnych daroh biez faktyčnaha pierasiačeńnia dziaržaŭnaj miažy pamiž linijaj dziaržaŭnaj miažy i punktami propusku, ažyćciaŭleńnie lubych palotaŭ lohkamatornych latalnych aparataŭ, kvadrakoptaraŭ i inšych bieśpiłotnych latalnych aparataŭ biez papiaredniaha infarmavańnia ab hetym padraździaleńnia achovy dziaržaŭnaj miažy.
U liku abmiežavańniaŭ — zabarona padvozu ŭ pamiežny rajon i vyvazu ź jaho asob, jakija nie majuć dakumientaŭ; vychadu płaŭsrodkaŭ na vadajomy, jakija znachodziacca ŭ kantralavanym pamiežnym rajonie biez papiaredniaha infarmavańnia; praviadzieńnie vadałaznych rabot i lubych inšych spuskaŭ pad vadu biez papiaredžańnia; prypynak ciahnikoŭ, akramia pasažyrskich, pry ŭjeździe na mytnuju terytoryju Ukrainy ad linii miažy da čyhunačnaj stancyi «Sarny» i ŭ zvarotnym kirunku.
