Pieratrusy ŭ ofisach Tut.by, a taksama ŭ damach supracoŭnikaŭ, ź fiktyŭnaj nahody rasśledavańnia padatkovaha machlarstva źjaŭlajucca apošnimi ŭ sieryi karnych mier, nakiravanych suprać srodku masavaj infarmacyi, čyjo hałoŭnaje «złačynstva» palahaje ŭ abjektyŭnym aśviatlenni mirnych pratestaŭ suprać sfalsifikavanych vybaraŭ 2020 hoda i hvałtoŭnych i žorstkich dziejańniaŭ režymu ŭ adkaz.
Ułady pazbavili Tut.by pravavoha statusu ŚMI, žurnalistaŭ partała štrafavali i kidali ŭ turmu, jany padviarhalisia fizičnym napadam. Ułady nieadnarazova paklopničali na partał i pahražali jamu. Veb-sajt tut.by byŭ zabłakavany — ułady, zdajecca, majuć namier paralizavać jaho pracu, abvinavaciŭšy ŭ parušeńniach padatkovaha zakanadaŭstva. Hetyja sproby vykaranić niezaležnaje myśleńnie — u duchu horšych padziej minułaha stahodździa. Biełaruś uziała na siabie mižnarodnyja abaviazacielstvy pavažać pravy čałavieka i asnoŭnyja svabody, i Złučanyja Štaty čakajuć, što Biełaruś hetyja abaviazacielstvy budzie vykonvać.
Złučanyja Štaty znoŭ zaklikajuć pakłaści kaniec represijam suprać niezaležnych ŚMI, mirnych pratestoŭcaŭ, pravaabaroncaŭ i hramadzianskaj supolnaści i zaklikajuć da pryciahnieńnia da adkaznaści ŭsich, chto ździejśniŭ złoŭžyvańni. Złučanyja Štaty vystupajuć u padtrymku suvierennaj i niezaležnaj Biełarusi, jakaja prytrymlivajecca mižnarodnych abaviazacielstvaŭ pa abaronie pravoŭ čałavieka».
