Delfi.lv
«Zamiena ściaha Biełarusi — adekvatnaja palityčnaja reakcyja i sihnał, što my nie pryznajom kirujučy režym u susiedniaj dziaržavie», — skazaŭ kiraŭnik dziaržavy ŭ efiry miascovaha telekanała TV3, jak piša TASS.
Rašeńnie Biełarusi vydvaryć z krainy ŭsich łatvijskich dypłamataŭ, pa słovach Levitsa, stała reakcyjaj na paśladoŭnyja dziejańni Łatvii paśla taho, jak Biełaruś ździejśniła «biesprecedentnaje parušeńnie mižnarodnaha prava, jakoje pradstaŭlaje pahrozu dla mižnarodnaha avijazłučeńnia».
Hety incydent zakranuŭ i Łatviju, pakolki ŭ ekstranna pasadžanym u Minsku 23 maja samalocie irłandskaj avijakampanii Ryanair, jaki ruchaŭsia maršrutam Afiny — Vilnia, taksama znachodzilisia dvoje hramadzian Respubliki.
Prezident Łatvii padkreśliŭ, što Łatvija paśla hetaha prasiła ad ES reakcyi na situacyju, i Jeŭrarada damoviłasia ab sankcyjach u dačynieńni da Biełarusi. «My abaraniajem mižnarodnaje prava i biaśpieku mižnarodnaj avijacyi», — adznačyŭ Levits.
Nahadajem, što 24 maja dziaržaŭny ściah, vyviešany kala adnoj z haścinic u centry Ryhi, dzie pražyvajuć nacyjanalnyja chakiejnyja zbornyja, byŭ zamienieny na bieł-čyrvona-bieły ściah. Heta ŭłasnaručna zrabili kiraŭnik MZS Łatvii Edhars Rynkievičs i mer Ryhi Marcińš Stakis.
