Jak my paviedamlaliraniej, 22 lipienia byŭ źnik aktyvist AHP i abaronca namiotavaha haradku Dzianis Dzianisaŭ. Jon znajšoŭsia tolki praz 2 dni: paviedamiŭ, što jaho źbili nieviadomyja, vykrali j vyvieźli ŭ Rasiju. Tam jon, ź jahonych słovaŭ, zmoh ad ich źbiehčy.
Siońnia ŭ adnym z błogaŭ u siecivie źjaviŭsia list ad imia Dzianisa Dzianisava, dzie raspaviadajecca historyja źniknieńnia i źjaŭleńnia moładzievaha aktyvista. U pryvatnaści śćviardžajecca, što 22 lipienia za Dzianisam adkryta sačyli ŭvieś dzień ad 11-j hadziny. Uviečary, niedzie a 20-j jaho schapili try čałavieki, zakinuli ŭ mikraaŭtobus, udaryli pa hałavie i nyrkach, a paśla hadzinaŭ 8-10 vieźli ŭ nieviadomym kirunku. U časie adnaho z prypynkaŭ Dzianisava na doŭhi čas pakinuli adnaho ŭ mašynie ź niezamknutymi dźviaryma, i toj uciok. Cioraź les jon vyjšaŭ na trasu, dajechaŭ aŭtastopam da miastečka Łuhi, adtul elektryčkami da Maskvy, i narešcie – viarnuŭsia ŭ Biełaruś.
Aŭtar dopisu tłumačyć hetyja padziei «prosta sprobaj napužać».
