U Biełarusi sioleta vypita ŭžo 9,93 litra ałkaholu na dušu nasielnictva.
Pavodle źviestak Nacyjanalnaha statystyčnaha kamiteta, prodaž usich vidaŭ ałkaholnych i słabaałkaholnych napojaŭ i piva na dušu nasielnictva usich uzrostaŭ u pieraliku na absalutny ałkahol skłali:
U 2006 hodzie — 10,1 ł, u 2007 hodzie — 11,7 ł,
u 2008 hodzie — 12,39 ł, za 10 miesiacaŭ 2009 h — 9,93 ł
Pavodle Suśvietnaj arhanizacyi achovy zdaroŭja (SAAZ), krytyčnym dla zdaroŭja nacyi i jaje demahrafičnaha stanu pakazalnikam źjaŭlajecca štohadovaje užyvańnie 8 litraŭ, u pieraliku na absalutny ałkahol na kožnaha žychara va ŭzroście ad 15 hadoŭ.
U vypadku pieravyšeńnia dadzienaj normy adbyvajecca pastupovaja dehradacyja nacyi ŭ demahrafičnych, sacyjalnych, ekanamičnych, kulturnych adnosinach, paharšajecca stan zdaroŭja i hienafondu.
Taćciana Budnickaja, zahadčyca narkałahičnaha adździaleńnia RNPC psichičnaha zdaroŭja, pieraličvaje nastupnyja hrupy nasielnictva, što najčaściej źviartajucca pa miedycynskuju dapamohu:
«U narkałahičnyja centry traplajuć zvyčajna ludzi pracoŭnaha ŭzrostu. Časta staić prablema vychadu baćkoŭskaj z domu. Kali małady čałaviek atrymaŭ adukacyi, vyjšaŭ z baćkoŭskaj siamji i nie viedaje čym zaniacca. I svoj volny čas pravodzić takim destruktyŭnym sposabam. Jość jašče nastupnaja chvala: kali ŭžo vyraśli dzieci, a darosłyja, jašče pracazdolnyja, baćki nie viedajuć čamu pryśviacić svoj volny čas, jaki raniej išoŭ navychavańnie dziaciej. Jašče adna chvala: kali čałaviek vychodzić na piensiju, jon pa sutnaści ŭžo stanovicca svabodny i nie viedaje, jak pravieści svoj volny čas».
Adnak prablemy ałkahalizmu nie majuć miežaŭ i ŭzrostavych pryjarytetaŭ. Jak prykład, sioleta 45 niepaŭnaletnich dziaciej u Biełarusi majuć ustanoŭleny dyjahnaz ałkahalizm.
A bieźlič darosłych jašče i nie źviartalisia pa dapamohu, ale pjuć pa‑čornamu.
