hatovyja zapłacić hrodziency ŭ noč z 31 śniežnia na 1 studzienia.
Prykładna pałova katedžaŭ dla sustrečy Novaha hoda ŭžo zaniataja. Mnie prapanoŭvali siadzibu na dvoje sutak dla kampanii ŭ dziesiać čałaviek za trysta piaćdziesiat dalaraŭ. Volnym akazaŭsia i damok u Aziorach za tysiaču dalaraŭ. Čamu tak doraha? «U mianie ekstrym — z paryłki možna nyrać ŭ vadajom», — patłumačyŭ haspadar. Inšy ŭładalnik katedža ŭ hetaj vioscy zapytaŭ takuju ž sumu. U paraŭnańni sa zvyčajnymi dniami cana na śviaty padrasła amal u dziesiać razoŭ. Niaŭžo niechta pahodzicca płacić takija hrošy? Znajšłasia žančyna, da jakoj užo źviarnulisia takija klijenty.
«Dadajcie vydatki na hirlandy, lichtaryki, jełačnyja ŭpryhožańni, pałova ź jakich budzie pabitaja. Vadu, elektryčnaść, drovy nichto nie ekanomić, dźviery adčynienyja naściež, tamu hreć davodzicca vulicu. U minułym hodzie paśla Novaha hoda tydzień ramont rabili — ustaŭlali dźviery, farbavali ścieny»,
— kaža jana. Tyja, chto paśpieŭ zaniać apartamienty zahadzia, buduć płacić mienš. Z pastajannych klijentaŭ haspadynia katedža zaprasiła pa tryccać dołaraŭ z čałavieka. Uładalnik dačnaha damka zdaŭ jaho za sto piaćdziesiat dalaraŭ dla kampanii, jaho znajomy — na sto dalaraŭ daražej.
Tańniej možna adznačyć Novy hod z 24 pa 30 śniežnia. Jak praviła, na hety pieryjad ŭstalavanyja rascenki vychadnoha dnia. Košty roznyja — ad sta tysiač rubloŭ da sta piacidziesiaci dalaraŭ i trochsot jeŭra za sutki.
Da śviata haspadary mohuć tolki ŭpryhožyć dom i jełku. Viesialić siabie na śviacie kožny budzie sam. Aryhinalnuju prahramu z katańniem na koniach, łyžach, vohniščam ŭ šatry prapanavaŭ uładalnik spartyŭnaj siadziby. Škada, što jana apynułasia niedzie pad Smarhońniu.
Bolšaść kvater na sutki na viečar 31 śniežnia pakul nie zabraniravanyja. Ich haspadary vyznačajucca z cenami i vyrašajuć, ci buduć jany zdavać ich naohuł. Niekatoryja nie pahodziacca zdać apartamienty na Novy hod navat za piaćsot dołaraŭ. «Nazvała hetuju sumu prosta, kab maładyja ludzi admovilisia. Ale jany byli hatovyja płacić i bolš», — pryznałasia haspadynia. Pryčyna prostaja — šumnaja kampanija moža razhramić kvateru.
Kali zrobleny jeŭraramont, ŭstalavanaja darahaja bytavaja technika — śviatočnaja noč pryniasie tolki straty.
Mnohija apasajucca zdavać kroŭnyja kvadratnyja mietry navat dla kampanij z čatyroch-piaci čałaviek i płanujuć prymać haściej vyklučna dla načoŭki. Ceny taksama kožny ustanaŭlivaje svaje: niechta źbirajecca brać dvajnyja rascenki (centr horada, kvatera «luks» — ad 160 da 400 tysiač), niechta — zdavać pa zvyčajnym košcie (40-80 tysiač rubloŭ za kvateru ź jeŭraramontam).
Paraić možna adno: pra arendu doma abo kvatery varta pakłapacicca ŭžo zaraz. Bo časam uładalniki nieruchomaści śpiecyjalna čakajuć pieradnavahodniaha ažyjatažu, kab nakrucić maksimalnuju canu dla poźnich klijentaŭ.
