Jak adznačaje ministerstva adukacyi, idealahičnaja praca pavinna vieścisia ŭ śviatle padziejaŭ, što adbylisia ŭ 2006 hodzie. Na dumku čynoŭnikaŭ ministerstva adukacyi, u suviazi z «najvažniejšymi hramadzka-palityčnymi padziejami 2006 hodu… pierad systemaj adukacyi pastaŭlenyja novyja zadačy».
«Ukazami kiraŭnika dziaržavy zaćvierdžanyja try sacyjalna značnyja prahramy: «Moładź Biełarusi», «Moładzievyja talenty Biełarusi» j «Dzieci Biełarusi», – nahadvaje ministerstva adukacyi. Taksama, dadajuć supracoŭniki minadukacyi, pryniataja Prahrama raźvićcia systemy adukacyi na peryjad da 2010 hodu.
U hetych dakumentach abjomna padadzieny vychavaŭča-idealahičny blok, u jakim sfarmulavanyja padstavovyja kaštoŭnaści j kirunki dziejnaści, što składajuć asnovu systemy vychavańnia ŭ našaj krainie», – havorycca ŭ rekamendacyjach ministerstva.
U metadyčnych rekamendacyjach adznačajecca pry hetym, što «siońnia ŭ słužbovyja abaviazki ŭsich – ad nastaŭnika, vykładčyka, klasnaha kiraŭnika i kuratara da ministra, uviedzienaja adkaznaść za praviadzieńnie idealahičnaj i vychavaŭčaj raboty».
U rekamendacyjach taksama paviedamlajecca, što «ministerstvam adukacyi raspracoŭvajecca Kodeks pra adukacyju. u jakim upieršyniu na zakanadaŭčym uzroŭni buduć cełasna i kompleksna adlustravanyja pytańni vychavańnia i sacyjalnaj abarony navučencaŭ». U Kodeks pra adukacyju buduć uniesienyja taksama artykuły z antykarupcyjnaha zakanadaŭstva Biełarusi.
