Realny naličany zarobak (z ulikam rostu spažyvieckich cen na tavary i pasłuhi) u 2009 hodzie ŭ paraŭnańni z 2008 hodam źmienšyłasia na 0,4%. Takija źviestki abnarodavaŭ Nacyjanalny statystyčny kamitet.
U śniežni 2009 hoda ŭ paraŭnańni ź listapadam realnaja zarpłata pavialičyłasia na 6,5%.
Naminalnaja naličanaja siaredniamiesiačnaja zarabotnaja płata rabotnikaŭ u Biełarusi ŭ 2009 hodzie skłała 998,3 tys. rubloŭ. U śniežni — 1 młn. 93 tys. rubloŭ, u paraŭnańni ź listapadam jana pavialičyłasia na 7,9%, ci 80,1 tys. rubloŭ.
Na pramysłovych pradpryjemstvach siaredniaja zarpłata ŭ śniežni 2009 hoda składała 1 młn. 188,3 tys. rubloŭ, u budaŭničych arhanizacyjach — 1 młn. 480,3 tys., na pradpryjemstvach transpartu — 1 młn. 238,2 tys., u arhanizacyjach sielskaj haspadarki — 681,3 tys., handlu i hramadskaha charčavańnia — 1 młn. 2,3 tysiačy.
Rabotniki ustanoŭ achovy zdaroŭja u śniežni zarabili ŭ siarednim 840,8 tys. rubloŭ, u tym liku daktary — 1 młn. 444,5 tys., siaredni miedpiersanał — 816 tys., małodšy miedpiersanał — 514 tysiač.
Va ustanovach adukacyi siaredniaja śniežańskaja zarpłata skłała 750,7 tys. rubloŭ, u tym liku zarpłata nastaŭnikaŭ — 819,6 tys., prafiesarska‑vykładčyckaha składu — 1 młn. 801,6 tysiačy.
Maksimalny pamier siaredniaj zarpłaty ŭ śniežni pa halinach byŭ zafiksavany ŭ rabotnikaŭ navuki i navukovaha supravadžeńnia — 1 młn. 787 tys. rubloŭ, minimalny — u rabotnikaŭ saczabieśpiačeńnia — 640 tys. rubloŭ.
Maksimalny pamier siaredniaj zarpłaty ŭ śniežni byŭ adznačany ŭ Minsku — 1 młn. 507 tys. rublej, minimalny — u Mahiloŭskaj vobłaści (938,8 tys. rubloŭ). U Bresckaj vobłaści siaredniaja zarpłata skłała 969,5 tys. rubloŭ, Homielskaj — 1 młn. 22,9 tys., Hrodzienskaj — 988,7 tys., Minskaj — 1 młn. 32 tys., Viciebskaj — 942,4 tys. rubloŭ.
