Niedziaržaŭnaja hramadska-palityčnaja hazieta «Vitiebskij kuŕjer M» 17 žniŭnia atrymała błahasłaŭleńnie Viciebskaj pravasłaŭnaj jeparchii i hramatu «Za dbajnuju pracu va słavu śviatoj carkvy». Uručajučy ŭznaharodu kalektyvu redakcyi, jepiskap Drucki Piotr, vikaryj Viciebskaj jeparchii, adznačyŭ, što «Vitiebskij kuŕjer M» jak ni adna inšaja hazieta ŭ horadzie ŭzdymaje prablemy kulturnaj i histaryčnaj spadčyny, pakazvaje sučasnaje žyćcio ŭ Viciebsku i vobłaści.
«Heta było absalutna niečakana, - raskazvaje hałoŭny redaktar haziety Uładzimir Bazan. - U minuły čaćvier patelefanavaŭ archijepiskap Viciebski i Aršanski Dzimitryj i skazaŭ, što jeparchija pryniała rašeńnie ŭznaharodzić hazietu hramataj. Kalektyvu było pryjemna pačuć słovy padziaki za svaju pracu i atrymać takuju ŭznaharodu. Tym bolš zaraz, kali praciahvajecca razhlad sudovaj spravy ŭ dačynieńni da haziety, za toje, što my na svaich staronkach uźniali pytańnie, što na miescy staražytnaha sabora ŭ Viciebsku płanujecca budaŭnictva zabaŭlalnaha centra.»
Pres-słužba HA «Biełaruskaja asacyjacyja žurnalistaŭ»
