U Jeŭropie siońnia «faktyčna niama inšaj krainy, dzie było b mienš demakratyčnaha raźvićcia, čym u Biełarusi». Takoje mierkavańnie vykazaŭ novy kiraŭnik Fondu Konrada Adenaŭera,
Pioterynh adznačyŭ, što padčas vizitu ŭ Minsk 11–13 lutaha «pierakanaŭsia ŭ dumcy, što ŭ Biełarusi aŭtarytarny režym i demakratyčnym siłam vielmi składana svabodna raźvivacca». Jon raskrytykavaŭ toj fakt, što partyi Biełaruskaja chryścijanskaja demakratyja admoŭlena ŭ rehistracyi. «Heta jašče adno śviedčańnie represij, pryčym napiaredadni vybaraŭ u miascovyja saviety ŭ krasaviku, jakija mohuć stać važnym krokam da demakratyi», — ličyć kiraŭnik Fondu Adenaŭera.
Niamiecki palityk vykazaŭ nadzieju, što Fond atrymaje mahčymaść adkryć biuro ŭ Minsku. Ciapier biełaruskija prajekty realizujucca praź Vilnius.
«Ja ŭpeŭnieny, hety režym nie moža zastacca adzinym aŭtarytarnym u Jeŭropie, kali my padtrymajem demakratyčny ruch. A ja mienavita dla hetaha i pryjechaŭ», — skazaŭ Pioterynh.