Pra heta zajaviŭ 18 sakavika vice‑prezident SB pa rehijonie Jeŭropy i Centralnaj Azii Filip Le Ueru ŭ Minsku na sustrečy z premjer‑ministram Biełarusi Siarhiejem Sidorskim.
«My pašyryli mahčymaści padtrymki Biełarusi i spadziajomsia na dalejšuju pracu ŭ hetym kirunku», — skazaŭ vice‑prezident SB. Jon zaznačyŭ, što ŭ Suśvietnym banku vielmi zadavoleny vynikami supracoŭnictva ź Biełaruśsiu ŭ apošnija 10 hadoŭ. »Ja tut znachodžusia dla taho, kab daviedacca, jakuju najbolš efiektyŭnuju dapamohu my možam akazvać Biełarusi», — zaznačyŭ Le Ueru.
Vice‑prezident SB pavinšavaŭ biełaruski ŭrad z ekanamičnymi pośpiechami, dasiahnutymi za apošniaje dziesiacihodździe:
«Vy zmahli zabiaśpiečyć taki ekanamičny rost, jaki bolš blizki da kitajskaha, čym da jeŭrapiejskaha.
Vy taksama zmahli zabiaśpiečyć vielizarnaje skaračeńnie ŭzroŭniu biednaści ŭ krainie».
Jak praviła, praciahnuŭ vice‑prezident SB, heta źjaŭlajecca prykmietaj dobraha ŭzroŭniu dziaržaŭnaha kiravańnia ŭ krainie. «Heta taksama źjaŭlajecca vielmi važnym elemientam dla raźvićcia pryvatnaha siektara», — padkreśliŭ pradstaŭnik kiraŭnictva SB. Le Ueru zaznačyŭ, što padčas svajho vizitu chacieŭ by vyvučyć, jakim čynam u Biełarusi byli dasiahnutyja takija vyniki. »Ja miarkuju, što inšyja krainy mohuć atrymać karyść ad vašaha vopytu», — skazaŭ jon.
Pradstaŭnik SB taksama adznačyŭ značny prahres u pavyšeńni enierhaefiektyŭnaści, što ŭ cełym źjaŭlajecca ahulnaj prablemaj dla rehijonu.
«Tut nam taksama treba vyvučyć biełaruski vopyt», — miarkuje jon.
U svaju čarhu Siarhiej Sidorski zaznačyŭ, što ŭ Biełarusi nadajecca vialikaje značeńnie adnosinam z Suśvietnym bankam, asabliva ŭ pytańniach sacyjalna‑ekanamičnaha raźvićcia. Jon nahadaŭ, što ŭ SB zaćvierdžana stratehija supracoŭnictva ź Biełaruśsiu, jakoje nosić «žyvy, kankretny charaktar», a prajekty adyhryvajuć važnuju rolu ŭ sacyjalna‑ekanamičnym raźvićci Biełarusi. Kiraŭnik urada padkreśliŭ, što 2009 hod byŭ dastatkova ciažkim dla ekanomiki. «Suśvietny bank i MVF akazali značnuju padtrymku našaj ekanomicy», — zaznačyŭ jon. Pavodie słoŭ Sidorskaha, 2010 hod daje ŭsie padstavy «značna dabavić i nahnać stračanaje ŭ 2009 hodzie».
«My ŭpeŭnienyja ŭ tym, što, kali nie adbudziecca čarhovych finansavych kryzisaŭ u krainach‑partniorach, my zmožam značna prybavić sioleta», — skazaŭ Sidorski. Pry hetym jon padkreśliŭ, što pa vynikach dvuch miesiacaŭ hetaha hoda rost VUP pieravysiŭ 3%.
Zaraz supracoŭnictva Biełarusi z SB ažyćciaŭlajecca ŭ miežach stratehii na 2008—2011 finansavyja hady. Na momant pryniaćcia ŭ 2007 hodzie stratehija praduhledžvała vydzialeńnie krainie kala 100 młn. dalaraŭ ZŠA ŭ hod. U śniežni 2009 hoda Saviet dyrektaraŭ SB pryniaŭ rašeńnie ab pašyreńni stratehii supracoŭnictva z mahčymaściu vydzialeńnia krainie ŭ 2011 finansavym hodzie (z červienia 2010‑ha pa červień 2011‑ha) dadatkovych kredytnych srodkaŭ u pamiery 250 młn. dalaraŭ ZŠA.
