Niedziaržaŭnaja hazeta "Bobrujskij kuŕjer" nia budzie akredytavanaja na festyvali "Dažynki-2006", što pavinien prajści 22-23 vieraśnia ŭ Babrujsku.
Pra heta hałoŭnamu redaktaru Anatolu Sanacienku paviedamiŭ pa telefonie supracoŭnik upraŭleńnia idealahičnaj raboty Mahiloŭskaha abłvykankamu Michaił Chałamaŭ. Svajho dazvołu na heta nia daŭ Babrujski harvykankam, ź jakim, jak možna było zrazumieć, "raiłasia" Upraŭleńnie. Pryčynaj admovy ŭ akredytacyi "Bobrujskoho kuŕjera" M. Chałamaŭ nazvaŭ adsutnaść uzajemadziejańnia hazety z uładami.
11 vieraśnia redakcyja vydańnia dasłała va ŭpraŭleńnie idealahičnaj raboty Mahiloŭskaha abłvykankama list-zajaŭku z prośbaj ab akredytacyi. Nie atrymaŭšy piśmovaha adkazu na svoj list ŭ adviedzieny zakanadaŭstvam termin, hałoŭny redaktar "Bobrujskoho kuŕjera" patelefanavaŭ, kab vyśvietlić sytuacyju, u abłvykankam. Anatol Sanacienka paprasiŭ dać piśmovy adkaz na zajaŭku, jak taho patrabuje ad atrymalnika zaprosu biełaruskaje zakanadaŭstva.