Talismanam čempijanatu śvietu pa chakiei, jaki projdzie ŭ 2014 hodzie ŭ Minsku, moža stać zubr. Takija papiarednija vyniki konkursu, jaki ładziła Fiederacyja chakieja sumiesna z «Narodnaj hazietaj». U konkursie brali ŭdzieł jak prafiesijnyja mastaki, dyzajniery i karykaturysty, tak i samyja zvyčajnyja ludzi — amatary chakieja.
Na konkurs dasłali 40 prac, ale na sud žury trapiła 26 varyjantaŭ — astatnija źniali, bo jany nie adpaviadali konkursnym umovam. Talisman pavinien asacyjavacca ź Biełaruśsiu, być źviazanym z chakiejem, a taksama vyklikać pazityŭnyja emocyi. Akramia taho, talisman pavinien być takim, kab lohka było zrabić rastavuju cacku, a taksama miakkija cacki‑suvieniry.
Pieršaje miesca pa vynikach konkursu zaniaŭ varyjant, pradstaŭleny prafiesijnym dyzajnieram Vitalem Arciuchom — heta zubr. Taksama ŭ finał konkursu vyjšli varyjanty, dzie talismanam chakiejnaha čempijanatu vystupaje ryś i babior, paviedamlaje pres‑słužba Fiederacyi chakieja.
0
0
0
0
0
0
