Kniha pra biełaruskaha śpievaka pabačyć śviet u vydaviectvie «Knihazbor», viadomaha pa šmattomnaj kalekcyi biełaruskich tvoraŭ ad staražytnaści da našych dzion. Za nazvu vydańnia ŭziaty radok ź vierša Ryhora Baradulina, adnaho z aŭtaraŭ piesień Vajciuškieviča, — «Biełaruskaje słova ad śpievu».
Zrabić knihu pra Vajciuškieviča prapanavaŭ sam Vajciuškievič na letašnim kancercie z nahody ŭłasnaha dnia naradžeńnia. Adhuknulisia na hetu prapanovu Anatol Mialhuj, Eła Olina i Pavał Sieviaryniec, jakija abjadnali svaje narysy, analityčnyja ahlady i intervju sa śpievakom, zroblenyja ciaham apošnich šaści hadoŭ. U zbornik taksama ŭvajšli hutarki, recenzii, ahlady Vitaŭta Martynienki, Michasia Skobły, Źmitra Padbiarezskaha i Siarhieja Budkina.
U knizie taksama ekskluziŭnyja fotazdymki roznych hadoŭ, teksty piesień, jakija varta vyvučyć na pamiać. U jaje ŭklučana poŭnaja dyskahrafija, repartažy z vystupaŭ śpievaka ŭ Mahilovie, Hrodna, Viciebsku, kancertaŭ salidarnaści ŭ Varšavie, padarožžaŭ pa Paryžy, Kiota, Vašynhtonie i Kanzas‑sici, Ńju‑Jorku i Stakholmie.
Padaravać knihu jaje ŭkładalniki płanujuć jakraz na dzień narodzinaŭ Vajciuškieviča — 20 lipienia, kali toj zajhraje tradycyjny ŭžo kancert u Minsku.
