«Infarmacyjnaja vajna, raspačataja rasijskimi telekanałami suprać Alaksandra Łukašenki — nijaki nie kłopat pra parušeńnie demakratyi ŭ Biełarusi, a zvyčajnaje kramloŭskaje palitykanstva», — kaža pretendent u prezidenty ad BCHD Vital Rymašeŭski, kamientujučy čarhovy maskoŭski film pra Łukašenku.
Nibyta vykryvalnickija filmy, pavodle Rymašeŭskaha, nie śviedčać pra toje, što Rasiju raptam zacikaviła vyśviatleńnie praŭdy pra źniknieńnie ludziej ŭ Biełarusi, parušeńnie pravoŭ čałavieka i inšyja prajavy dyktatury, pra jakija usim viadoma ŭžo 15 hadoŭ. Heta — adkaz na šantaž kiraŭnika Biełarusi pa pytańniach mytnaha sajuza, atrymańnie enierhanośbitaŭ z alternatyŭnych krynic i hučnyja antyrasijskija zajavy.
«Rasija, mahčyma, budzie pradprymać niejkija zachady pa źmienie albo asłableńni režymu. Łukašenka, jaki tolki situatyŭna vyhladaje etakim pabornikam niezaležnaści, nasamreč prosta čaplajecca za ŭładu. I zadača palityčnaj alternatyvy pierachapić uładu ŭ jaho, nie addaŭšy jaje ŭ ruki Rasii i jaje staŭlenikaŭ.
Rasiejcy takija ž demakraty, jak Łukašenka — niezaležnik.
Kali sprava dojdzie da adkrytaha supraćstajańnia my, chryścijanskija demakraty nie budziem padtrymlivać ani režym, ani impieryju, a pavinny rychtavacca ŭziać uładu ŭ svaje ruki.
Šmat čaho ŭ ciapierašniaj situacyi zaležyć ad rašučaści biełaruskich demakratyčnych palitykaŭ, i chryścijanskija demakraty hatovyja addać dla dasiahnieńnia pieramohi ŭsie siły», — skazaŭ Vital Rymašeŭski.
