Inicyjatyŭnaja hrupa pa zbory podpisaŭ u padtrymku Alaksandra Milinkieviča jak kandydata ŭ prezydenty Biełarusi moža naličvać ad 5 da 6 tysiač čałaviek.
Pra heta paviedamiŭ namieśnik staršyni ruchu «Za svabodu» Juraś Hubarevič:
«My praviadziem try etapy farmavańnia inicyjatyŭnaj hrupy. Pieršy ŭžo faktyčna zaviaršajecca. My źviarnulisia da aktyvistaŭ ruchu „Za svabodu“ pieravažna ŭ rehijonach. Jany napisali specyjalnuju zajavu pra svaju zhodu ŭdzielničać u inicyjatyŭnaj hrupie i zapoŭnili ankietu. I my majem siońnia ŭžo bolš za tysiaču takich dakumentaŭ.
Na druhim etapie my budziem pracavać nad stvareńniem vybarčaha bloku. U jaho ŭvojduć partnerskija arhanizacyi, jakija taksama chočuć udzielničać u vybarčaj kampanii Alaksandra Milinkieviča. I tamu my planujem pavialičyć kolkaść inicyjatyŭnaj hrupy za košt siabraŭ hetych arhanizacyjaŭ.
Treci etap — vychad na šyrokija koły hramadztva. Alaksandar Milinkievič na siońnia, moža, najbolš viadomaja asoba siarod dziejnych apazycyjnych palitykaŭ. I tamu my źvierniemsia da ludziej, jakija jaho padtrymlivajuć, z prapanovaj dałučycca da ahulnaj spravy. Takim čynam, na momant padačy dakumentaŭ u CVK my raźličvajem vyjści na skład hrupy ŭ 5–6 tysiač čałaviek».
