U Vietkaŭskim rajonie zafiksavany treci za miesiac vypadak, kali dzicia atrymała surjoznyja apioki kipieniem.
31 lipienia ŭ Vietkaŭskuju rajonnuju balnicu z apiokami pastupiŭ adnahadovy chłopčyk, žychar rajcentra. Pavodle słoŭ baćki, jon apioksia varam, jaki stajaŭ na hazavaj plicie. U chłopčyka termičnyja apioki piaredniaj pavierchni hrudnoj kletki i žyvata druhoj i treciaj stupieni. Z rajonnaj balnicy jon pieraviedzieny ŭ Homielskuju haradskuju balnicu № 1.
Jak paviedamlałasia raniej, padobny vypadak adbyŭsia 4 lipienia z dvuchhadovym chłopčykam ź vioski Janava. Jon upaŭ u kastrulu z kipieniem, znachodziačysia z maci ŭ haściach, i atrymaŭ šmatlikija apioki. Ź Vietkaŭskaj rajbalnicy dzicia taksama pieraviali na lačeńnie ŭ Homiel.
2 lipienia ŭ viadro z kipieniem upała čatyrochhadovaje dzicia ź vioski Załaty Roh. U Vietkaŭskuju balnicu jon pastupiŭ z apiokami tvaru, ruk, piaredniaj pavierchni hrudnoj kletki i ściohnaŭ druhoj i treciaj stupieni.
