5 žniŭnia ŭ Centralnym bataničnym sadzie (CBS) Nacyjanalnaj akademii navuk Biełarusi prachodzić užo tradycyjny Dzień durnicaŭ.U miežach akcyi arhanizavanaja vystava-kirmaš, dzie pradstaŭleny roznyja hatunki durnic, a śpiecyjalisty CBS kansultujuć amataraŭ pryrody i sadavodaŭ adnosna tonkaściaŭ vyroščvańnia hetaj kultury i lačebnych ułaścivaściaŭ jaje pładoŭ.
Fiermiery z roznych kutkoŭ krainy prapanujuć naviednikam jahady i sadžancy durnic, raskazvajuć pra asablivaści roznych hatunkaŭ. Darečy, vysakarosłyja sadovyja durnicy ŭ dva razy saładziejšyja za dzikija i značna bahaciejšyja karysnymi rečyvami. Jak śćviardžajuć vučonyja, jahady durnic tarmoziać pracesy stareńnia i amałodžvajuć arhanizm, vyvodziać ź jaho stroncyj i kobalt.
0
0
0
0
0
0