Biełaruski kiraŭnik taksama, čas ad času, prynosić vybačeńni. Praŭda, svojeasabliva. Hazieta «Salidarnaść» invientaryzavała vybačeńni Alaksandra Łukašenki i abrała samyja zapaminalnyja.
Vybačeńni za niaścipłaść
Pierad rasiejskimi žurnalistami: «Vybačajcie za niaścipłaść, ale Jelcyn sa mnoj na korcie nie spraŭlajecca. Karžakoŭ nie spraŭlajecca. Łužkoŭ prajhraŭ try razy… U apošni raz z Łužkovym my hulali na 5 tysiač ton śmietankovaha masła».
Pierad pradstaŭnikam biełaruskich ŚMI: «Prabačcie mnie, ja nie jezdžu na starych aŭtamabilach».
Pierad udzielnikami vyjaznoha sieminara ŭ Drahičynie: «A vy viedajecie, dyk tak, sapraŭdy, darujcie za niaścipłaść, usio zaležała tady ŭ hetaj błytaninie ad majho rašeńnia».
Pierad studentami Bieraściejščyny: «Vy ŭpeŭnienyja, što vy znojdziecie takoha čałavieka? Napeŭna, nie. Vybačajcie (nie chaču navat vybačacca za niaścipłaść, ja prosta razvažaju), napeŭna, nie kožny znojdzie».
Pierad kiraŭnikami BT, ANT i STV: «I naohuł, prabačcie mnie, kali łaska, za niaścipłaść, ja paŭtarusia… U vuzkim kole ja ŭžo pra heta kazaŭ: unikalnaść i vyhodnaść Łukašenki zaklučajecca ŭ tym, što jon sapraŭdy niezaležny čałaviek».
Pierad žurnalistami z Ukrainy: «…Adhetul peŭnaja pavaha da taho, što ja rablu. Vybačajcie za niaścipłaść, ale vy mianie prymusili pra heta kazać».
Pierad žurnalistam Michaiłam Husmanam: «Vy viedajecie, vybačajcie za niaścipłaść, jak mnie časta tyja, chto mianie viedaje, kažuć: «Takich baćkoŭ nie byvaje». I sapraŭdy, ja i starejšych svaich dziaciej strašenna lubiŭ».
Pierad studentami BDU: «Drenna, heta dobra, ale, kali byŭ maładym jašče prezidentam, i ŭ hetym maja, napeŭna, vybačajcie za niaścipłaść, zasłuha, ja ŭłaviŭ hałoŭnaje».
Pierad pradstaŭnikami rasiejskich rehijanalnych ŚMI: «Hladžu, viedaju vielmi šmat jakich spartoŭcaŭ, amal usich vašych vialikich spartoŭcaŭ ja viedaju lepš za vas. Vybačajcie».
Pierad biełaruskimi žurnalistami: «Łukašenka siońnia realnaja fihura ŭ Biełarusi. Prezident, vybačajcie za niaścipłaść, Biełarusi».
Pierad viadučym kanała «TV Centr»: «Prabačcie mianie, boham prašu, za niaścipłaść, ale mianie mačyć, pa vialikim rachunku, niama za što».
Pierad kamisaram Jeŭraźviaza pa źniešnich suviaziach i jeŭrapiejskaj palitycy susiedstva Bienitaj Fierera Valdnier: «Vybačajcie za niaścipłaść, ale ja za ŭsie svaje hady nikoli nie dazvalaŭ siabie pavodzić niesumlenna».
Pierad udzielnikami
Pierad deputatami Dziarždumy: «Jość čałaviek, jaki zdolny skazać i zrabić, vybačajcie za niaścipłaść».
Pierad biełaruskimi žurnalistami: «Prabačcie mnie za niaścipłaść, ja ž niedurny čałaviek, ja heta razumieju».
Vybačeńni za pierabivańnie, papraŭleńnie surazmoŭcy i zaciahnuty vystup
Pierad pradstaŭnikami rasiejskich rehijanalnych ŚMI: «…Nie puskajuć u Rasieju. A čamu? Nu čamu? Vybačajcie, što pierabiŭ».
Pierad karespandentam NTV: «Voś, vybačaj, što pierabiŭ, mienavita ŭ hetym pryčyna».
Pierad žurnalistam «Fajnešnł tajms»: «Vašaje pytańnie, vy mnie vybačajcie, kaža pra toje, što vy ŭ Jeŭropie, navat žurnalisty, pra Biełaruś mała čaho viedajecie».
Pierad viadučym NTV: «Nie zusim dakładnaje pytańnie. Vybačajcie, Alaksandr Anatolevič…»
Pierad deputatami Dziaržaŭnaj dumy: «Ja vybačajusia, što ja zaciahvaju čas: bolš nie pryjdziecca z vami pahavaryć».
Pierad udzielnikami
Vybačeńni za nieprystojnyja pavodziny
Pierad Pucinym: «Vybačajcie, što zaminaju vam adpačyvać, ale dumaju, što ŭ vas usio adno nie atrymajecca adpačyć…».
Pierad žurnalistam ahienctva «Rejter»: «Ja nie stanu adkazvać na hetaje pytańnie, dajučy acenki, vy ŭžo mnie vybačajcie».
Pierad biełaruskimi žurnalistami: «Vielmi pravilnaje pytańnie ŭ pieršaj jaho častcy, druhaja častka dla mianie vielmi niečakanaja. Vybačajcie, vidać, prapuściŭ hety praces».
Pierad amierykancami: «My hatovyja paprasić navat prabačeńnia ŭ amierykanskaha boku».
Pierad rasiejskimi žurnalistami: «Kalininhradskaja vobłaść, vybačajcie, heta častka Biełarusi. My jaje ŭsprymajem jak svaju».
Pierad pradstaŭnikami biełaruskich ŚMI: «Vybačajcie, što ja tak emacyjna adkazvaju na pytańnie «Biełaruskaha rynku».
Vybačeńni za vulharnyja i prastamoŭnyja vyrazy
Pierad udzielnikami pieršaha źjezdu navukoŭcaŭ Biełarusi: «Prabačcie mnie za heta niepapularnaje słova, hrubaje — łuchta ŭsio heta».
Pierad rasiejskimi rehijanalnymi žurnalistami: «Parnucha, vybačajcie mnie, zachlistvaje, soramna pry dzieciach televizar hladzieć».
Pierad delehatami
Pierad biełaruskimi žurnalistami: «Navošta nam naohuł rabić durnuju, biazhłuzduju, vybačajcie za hrubaść, pracu».
Pierad biełaruskimi navukoŭcami: «Humanitarnaja navuka nikoli nie stanie i nie budzie polem dla šalenstva. Heta ja vam, vybačajcie za ščyraść, chaču dakładna skazać».
Pierad udzielnikami źjezdu Fiederacyi prafsajuzaŭ Biełarusi: «U vnu, u Akademii, jašče dzieści pavinny być na ŭliku hetyja, prabačcie mnie za hrubaje, ale dakładnaje słova, „iajkahałovyja“».
Pierad deputatami Dziarždumy: «Ja vam voś hetuju, vybačajcie, brydkuju buchhałteryju pryvioŭ».
Pierad udzielnikami vyjaznoha sieminara ŭ Drahičynie: «A chutčej za ŭsio, spuścim škuru z tych, chto nie vykanaje toje, pra što ja siońnia kažu. Vybačajcie za rezkija słovy».
Pierad biełaruskimi parłamientarami: «Našyja pavažanyja vykładčyki i rektary, prabačcie mnie, ni čarta tam nie robiać».
Pierad staličnymi čynoŭnikami: «Vybačajcie za hrubaść, ale samyja rastłuściełyja ŭ nas čynoŭniki — u Miensku».
Pierad kiraŭnikami Haradzienščyny: «I kali ŭ kahości pycha, vybačajcie mnie, jak u narodzie kažuć, rohi pačali vyrastać ci rahi, jak tut lepš skazać, peŭna, rohi, tamu što rahi ŭ inšym sensie kažuć».
Pierad pradstaŭnikami rasiejskich ŚMI: «Ale kali ty, vybačajcie, durań, dyk ad žurnalistaŭ hetaha nie schavaješ».
