Isnuje zacikaŭlenaść, a nie popyt
Staršynia savieta Biełaruskaj asacyjacyi «Nieruchomaść», kiraŭnik staličnaha ahienctva nieruchomaści «BiełCTN» Mikałaj Prastałupaŭ adznačyŭ, što patencyjnyja pakupniki aktyŭničali na druhasnym rynku žylla tolki pieršyja dva tydni vieraśnia.
Jon ličyć, što vialikija doŭhaterminovyja kredyty koštam kala 15–17% hadavych paciahnie daloka nie kožnaja minskaja siamja. Reč u tym, što, zhodna z haradskoj statystykaj, siaredniaja staličnaja siamja kala 80% svaich dachodaŭ tracić vyklučna na štodzionnaje žyćcio. Druhim faktaram, jaki abmiažoŭvaje žyllovaje kredytavańnie, źjaŭlajecca žorstki miechanizm paručycielstva bankaŭ. Banki patrabujuć paručycielaŭ z surjoznymi dachodami, a apošnija na paručycielstva zhadžajucca ŭžo nieachvotna.
Darahoje žyllo amal nie pradajecca
Zhodna sa statystykaj infarmacyjnaha katałoha staličnaha partała žyllovaj nieruchomaści, siaredni košt prapanovy kvadratnaha mietra ahulnaj płoščy adnapakajovych kvater składaje siońnia 1389 dołaraŭ. Śpiecyjalisty partała padličyli, što navat pa adnapakajovych kvaterach popyt krychu bolšy za prapanovu tolki ŭ Centralnym i Savieckim rajonach. U astatnich rajonach Minska prapanova pa adnapakajoŭkach vialikaja, a realnych pakupnikoŭ amal niama.
Samyja tannyja adnapakajovyja kvatery pa košcie ad 35 da 37 tysiač dołaraŭ siońnia prapanujucca ŭ stalicy pa vulicach Čyhładze, Krasina, Kazinca, Uralskaj, Bresckaj, u Zavodskim rajonie i Šabanach.
Hałoŭnym čynam heta «chruščoŭki» ŭ starych piacipaviarchovych damach z ahulnaj płoščaj ad 29 da 33 kvadratnych mietraŭ. Maksimalnaja kolkaść prapanoŭ adnapakajovych kvater prypadaje na standartnaje žyllo z ceńnikam ad 40 da 50 tysiač dołaraŭ. Adnapakajovyja kvatery koštam zvyš 52–55 tysiač dołaraŭ ciapier uvohule ličacca «visiakami», bo imi siońnia nichto amal nie cikavicca. Vyklučeńnie składajuć tolki vialikija pa płoščy adnapakajoŭki, u jakich zrobleny jakasny jeŭraramont, dom znachodzicca ŭ prestyžnym miescy i h.d.
Siaredni košt kvadratnaha mietra dvuchpakajovych kvater zhodna z katałoham prapanovy składaje 1376 dołaraŭ. Zusim słabieńkija pa jakaści dvuchpakajovyja «chruščoŭki» patańnieli siońnia navat u paraŭnańni sa žniŭniem. Ciapier takija «dvuški» ahulnaj płoščaj ad 36 da 43 kvadratnych mietraŭ mahčyma nabyć za 42–45 tysiač dołaraŭ. Pa košcie da 52–55 tysiač dołaraŭ mahčyma adšukać standartnuju dvuchpakajovuju kvateru navat u dzieviacipaviarchovych nie vielmi starych damach badaj u lubym spalnym rajonie Minska.
Vyšej my ahučyli siaredni košt prapanovy. Mikałaj Prastałupaŭ adznačaje, što ciapier dvuch- i trochpakajovyja kvatery realna pradajucca tolki ŭ tych vypadkach, kali košt kvadratnaha mietra ŭ ich składaje 1230–1250 dołaraŭ.
Prapanova novych kvater — minimalnaja
Pavodle infarmacyi Mikałaja Prastałupava, u apošnija niekalki miesiacaŭ na žyllovym rynku stalicy istotna pamieńšyłasia prapanova kvater u novabudoŭlach tych damoŭ, jakija ŭžo zdadzieny ŭ ekspłuatacyju ci buduć pabudavanyja ŭ bližejšyja 2–3 miesiacy. U asobnych novabudoŭlach kvatery na prodaž isnujuć, adnak ceńnik tam pačynajecca z 1500 dołaraŭ za kvadratny mietr. Jość na rynku i novyja damy z tańniejšym ceńnikam za žyllovy kvadrat, ale tam klijentam prapanujucca kvatery sapraŭdy vialikich płoščaŭ. Tak, u mikrarajonie
U hetymi mikrarajonie klijentam prapanujucca i mienšyja pa płoščy kvatery, naprykład, dvuchpakajovyja (67–72 kv. m), ci trochpakajovyja (85–103 kv. m). Budaŭnictva kvadratnaha mietra ŭ takim domie dla čarhavikoŭ budzie kaštavać ad 3,4 młn rubloŭ, a dla niečarhavikoŭ — ad 3,6 młn rubloŭ. Prapanova sapraŭdy pryvabnaja, adnak treba ŭličvać, što hrošy na žyllo treba płacić siońnia, a žyły dom budzie zdadzieny ŭ ekspłuatacyju tolki ŭ trecim kvartale 2012 hoda.
U studzieni m 2 — 1200 USD?
Siońnia na druhasnym rynku stalicy nazirajecca płaŭnaje i amal nieprykmietnaje patańnieńnie kvadratnaha mietra žylla.
Mikałaj Prastałupaŭ upeŭnieny, što ŭ bližejšyja try miesiacy ceńnik na druhasnaje žyllo ŭ Minsku zastaniecca niaźmiennym ci budzie vahacca ŭ roznyja baki ŭ miežach 3–5%.
Apošnija padziei ŭ bankaŭskaj śfiery śviedčać pra toje, što kamiercyjnyja kredyty na ahulnych padstavach pad žyllovuju nieruchomaść istotna nie pamienšacca.
A heta značyć, što realny popyt na staryja kvatery pavialičvacca nie budzie.
Istotna patańnieć kvatery na druhasnym rynku taksama nie zmohuć, bo pradaŭcy nikoli nie pradavali svaju nieruchomaść tańniej, čym jana prapanujecca pa linii dolevaha budaŭnictva. Mikałaj Prastałupaŭ prahnazuje, što ŭ pieršy miesiac nastupnaha hoda košt kvadratnaha mietra staličnych kvater budzie vahacca ŭ miežach 1200–1250 dołaraŭ.
