Volha i Julija Kazulina zajavili pra namier dałučycca da estafetnaj haładoŭki. Akcyju salidarnaści z Alaksandram Kazulinym pravodziać aktyvisty Biełaruskaj sacyjał-demakratyčnaj partyi Hramada. «My va ŭsim padtrymlivajem našaha baćku, jaki zmahajecca za Biełaruś», – skazała Svabodzie Julija Kazulina.
Dočki palityka pačnuć haładać ad 18-ha listapada. Dziaŭčyny kažuć, što pakul nia viedajuć, kali spyniać haładoŭku. U estafetnaj haładoŭcy ŭžo ŭdzielničała bolej za 30 aktyvistaŭ partyi.
Nahadajem, były kandydat na prezydenta Alaksandr Kazulin haładaje ad 20-ha kastryčnika. Palityk pratestuje suproć niezakonnaha, jak jon ličyć, znachodžańnia pry ŭładzie Alaksandra Łukašenki i damahajecca razhladu biełaruskaha pytańnia ŭ AAN.
0
0
0
0
0
0
