U druhoj pałovie studzienia Nacbank adrazu ŭdvaja padvysiŭ staŭki dla bankaŭ pa instrumientach padtrymańnia likvidnaści. Heta pryviało da taho, što resursy Nacbanka dla bankaŭ padaraželi. Śledam prykmietna padrasła cana resursaŭ na mižbankaŭskim rynku. Jak vynik, banki pačali padymać staŭki i pa kredytach.
Nacyjanalny bank Biełarusi z 26 studzienia 2011 pavysiŭ pracentnuju staŭku pa dvuchbakovych pahadnieńniach SVOP (pa nacyjanalnaj valucie) na 2 pracentnyja punkty — da 15% hadavych. Za tydzień da hetaha, 18 studzienia, staŭka pa dvuchbakovych pahadnieńniach SVOP vyrasła z 11% da 13% hadavych.
Pavyšeńnie cany resursaŭ Nacbanka nieadkładna adbiłasia na canie resursaŭ na mižbankaŭskim rynku. Za studzień siarednija staŭki adnadzionnych mižbankaŭskich kredytaŭ prykmietna vyraśli — z 10,1% u pačatku miesiaca da 14,9% u kancy.
Kiraŭnik adnaho z kamiercyjnych bankaŭ Biełarusi paviedamiŭ Naviny.by, što pracentnaja palityka Nacbanka prymušaje banki pierahladać staŭki pa kredytach u bok pavieličeńnia.
«Rost stavak pa kredytach abumoŭleny bolš žorstkaj
U toj ža čas Nacbank, padvyšajučy dla bankaŭ canu resursaŭ, pieraśleduje ŭłasnyja mety.
«Siońnia my havorym bankam: biełaruskija rubli darahija, biełaruskija rubli dla vas niedastupnyja, tamu, kali łaska, šukajcie bolš dastupnyja resursy», — prakamientavaŭ kiraŭnik Nacbanka Piotr Prakapovič rašeńnie ab padvyšeńni stavak pa pahadnieńniach SVOP.
Nacbank zaklikaje kamiercyjnyja banki pryciahvać tannyja zamiežnyja resursy ŭ svaich zasnavalnikaŭ — matčynych strukturaŭ. Kamiercyjnyja banki, pavodle zadumy Nacbanka, pavinnyja stać donarami valuty.
«Pryciahvajcie zamiežnyja resursy, pracujcie z Nacyjanalnym bankam i atrymlivajcie ŭ abmien tannyja biełaruskija rubli. Ale tolki ŭzamien na zamiežnuju valutu!» — padkreśliŭ kiraŭnik centralnaha banka.
Pa dadzienych Nacbanka, rubloŭ siońnia ŭ bankaŭ nie chapaje. Deficyt rublovaj likvidnaści ŭ bankach pieravyšaje siońnia tryljon rubloŭ. U minułym hodzie spraŭlacca z deficytam rublovaj likvidnaści dapamahaŭ kamiercyjnym bankam Nacbank.
U čaćviortym kvartale 2010 hoda dvuchbakovyja pahadnieńni SVOP byli asnoŭnym instrumientam pradstaŭleńnia rublovaj likvidnaści bankam: u kastryčniku — 6,34 trłn rubloŭ, u listapadzie — 19,63 trłn rubloŭ, u śniežni — 10,41 trłn rubloŭ.
Na dumku bankiraŭ, centralny bank, dvojčy padvysiŭšy ŭ studzieni canu svaich rublovych resursaŭ, imkniecca stymulavać banki pradavać valutu na ŭnutranym rynku.
«Heta miechanizm uskosnaha ŭździejańnia na banki. Va ŭmovach, kali ŭ Nacbanka valuty nie chapaje, centralny bank stymuluje banki pradavać svaju valutu na ŭnutranym rynku ŭ abmien na rubli», — prakamientavaŭ uźnikłuju situacyju
Ekanamist Dźmitryj Kruk ličyć, što
Nacbank svaimi dziejańniami choča padklučyć kamiercyjnyja banki da vykanańnia zadačy pa zabiaśpiečańni krainy zamiežnaj valutaj.
«Situacyja z valutnymi reziervami nie vielmi pazityŭnaja, i Nacbank choča znajści ŭ asobie kamiercyjnych bankaŭ dadatkovyja mahčymaści dla likvidacyi admoŭnaha salda na valutnym rynku», — miarkuje Dźmitryj Kruk.
Na dumku ekśpierta, centralny bank zychodzić z taho, što ŭ kamiercyjnych bankaŭ jość mahčymaści pavialičyć prapanovu valuty na ŭnutranym rynku.
«Nacbank choča pierakłaści na kamiercyjnyja banki pytańnie pa zabiaśpiečańni krainy valutaj. Tym bolš što ŭ bankaŭ sapraŭdy isnujuć valutnyja reziervy, dostup da zamiežnych kredytnych linijaŭ, — kaža ekśpiert. — Adsiul i pavyšeńnie stavak pa SVOP. Kali raniej bank moh papoŭnić rublovuju likvidnaść za košt resursaŭ Nacbanka, to ciapier resursy centralnaha banka stali dla kamiercyjnych bankaŭ prykmietna daražejšymi».
Adpaviedna, banki vymušanyja albo pradavać valutu na ŭnutranym rynku, albo pryciahvać jaje
Biełaruskija banki va ŭmovach deficytu rublovaj likvidnaści, jak adznačałasia vyšej, płanujuć padvyšać staŭki pa kredytach.
Adnak tut uźnikaje dalikatnaje pytańnie — jak adabjecca rost stavak pa kredytach na kredytavańni ekanomiki?
Zrešty, bankiry prahnazujuć, što kali staŭki pa kredytach vyrastuć zanadta mocna, to dziaržava abaviazkova pra siabie nahadaje.
«Nichto ž nie admianiaŭ telefonnaha prava, — kaža
