Ahulnaja kolkaść vypadkaŭ VIČ-infiekcyi ŭ Minsku dasiahnuła 1.665 — infikavanyja 572 žančyny i 1.093 mužčyny. Pra heta na pres-kanfierencyi 15 lutaha paviedamiŭ namieśnik hałoŭnaha lekara pa ambułatorna-palikliničnym raździele pracy Haradskoj infiekcyjnaj kliničnaj balnicy Minska Dźmitryj Paduta.
Pavodle jaho słoŭ, u 2010 hodzie ŭ stalicy było zarehistravana 188 novych vypadkaŭ VIČ-infiekcyi, siarod ich 82 — siarod žančyn, 106 — siarod mužčyn. Pryblizna stolki ž vypadkaŭ było vyjaŭlena ŭ 2009 hodzie. Pry hetym daminantnym staŭ hieterasieksualny šlach raspaŭsiudžvańnia infiekcyi (97 čałaviek). Pryčynaj infikavańnia šaści čałaviek stali homasieksualnyja kantakty, 76 — injekcyjnaje ŭžyvańnie narkatyčnych srodkaŭ. Trom dzieciam, narodžanym ad VIČ-infikavanych maci, paćvierdžany hety dyjahnaz.
Pa kolkaści VIČ-infikavanych Minsk zajmaje treciaje miesca ŭ Biełarusi paśla Homielskaj i Minskaj abłaściej. Najbolej vysoki ŭzrovień raspaŭsiudžanaści VIČ-infiekcyi ŭ stalicy zafiksavany ŭ Zavodskim rajonie (402 vypadki), Frunzienskim (215) i Leninskim (191). Bolšaść VIČ-inficyravanych — maładyja ludzi 20–34 hadoŭ (1.286 vypadkaŭ).
Jak paviedamiŭ Paduta, z 1987 hoda ŭ Minsku zafiksavana 158 vypadkaŭ ŚNIDu, 87 čałaviek užo pamierli ad hetaha zachvorvańnia, uklučajučy 13 čałaviek u 2010 hodzie. Śpiecyfičnaje lačeńnie ŭ stalicy atrymlivajuć 360 pacyjentaŭ, u tym liku 11 dziaciej.
Taćciana Daraščonak, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
