Zimovaja pilihrymka katalickich viernikaŭ u pamiežnuju zonu na Dzień pamiaci rosickich pakutnikaŭ.
U kaścioł Śviatoj Troicy źjechałasia trysta viernikaŭ.
Spoviedź.
Zimoj tempieratura ŭ kaściole nie padymajecca vyšej za nul.
Pilihrymy.
Abraz rosickich pakutnikaŭ Juryja i Antonija.
Kamunija.
Pačatak žałobnaj pracesii da Placu mučanictva.
Zimovaja pilihrymka.
Kryž, ustalavany na miescy, dzie byli spaleny žychary Rosicy i katalickija ksiandzy.
Kožny hod u lutym nievialikaja vioska Rosica ŭ Vierchniadźvinskim rajonie na adzin dzień robicca miescam pałomnictva katalickich viernikaŭ. Tut jany ŭšanoŭvajuć pamiać
Kaścioł Śviatoj Trojcy ŭ vioscy Rosica pabudavany ŭ 1914 hodzie ŭ niearamanskim styli panami Łapacinskimi. Ciapier tut słužać ajcy Česłaŭ Kuračka i Hienrych Kuleša. Sama vioska naličvaje krychu bolej za 200 žycharoŭ, parafija — adny z samych małalikich u Biełarusi.
Najbolšaja kolkaść pilihrymaŭ pryjechała ź Minska, Barysava, Hłybokaha, Žodzina, Połacka, Viciebska, Drui i Vierchniadźvinska — usich razam było kala trochsot čałaviek. Vioska znachodzicca ŭ pamiežnaj zonie — praz 12 kiłamietraŭ užo terytoryja Łatvii.
Paminalnuju imšu za rosickich pakutnikaŭ adsłužyŭ ajciec Francišak Kisiel. Pa tradycyi jana skončyłasia žałobnym kryžovym šlacham da miesca, dzie ŭ 1943 hodzie razam z žycharami Rosicy zahinuli śviatary.
Usiaho padčas rosickaj trahiedyi 16–18 lutaha 1943 hoda ŭ ahni zahinuła 1528 čałaviek. U hety čas u vioscy prajšła antypartyzanskaja karnaja apieracyja «Zimovy cud» u jakoj udzielničali 7 łatvijskich bataljonaŭ, adna ukrainskaja i litoŭskaja rota SS. Paśla sarciroŭki ludziej zvozili ŭ kałhasnuju stajniu, jakuju i padpalili. Ksiandzy Juryj Kašyra i Antonij Laščevič admovilisia pakinuć svaich parafijanaŭ.
U 1999 hodzie papa Jan Pavieł II abviaściŭ ks. Jury Kašyru i Antonija Laščeviča błasłavionymi.
Ciapier na miescy dzie byli spaleny ajcy Jury i Antonij — «Placu mučanictva» staić pamiatny kryž.