Ź inicyjatyvy Rady biaśpieki ŭ Miensku ŭ najbližejšy čas budzie praviedzienaja revizija ŭsich rašeńniaŭ miascovych orhanaŭ ułady ab vydzialeńni ziamielnych učastkaŭ. Pra heta paviedamiŭ staršynia Dziaržkamitetu pa majomaści Biełarusi Hieorhi Kuźniacoŭ.
Jon taksama nahadaŭ, što z 1 studzienia 2007 hoda ŭ krainie ŭstupaje ŭ siłu zabarona na adabrańnie ziamielnych učastkaŭ, što znachodziacca ŭ pryvatnaj ułasnaści. Adnak nadzieły, jakija vykarystoŭvajucca nie pa metavym pryznačeńni, buduć kanfiskoŭvacca i pieradavacca hramadzianam, jakija žyvuć u niastačy dla palapšeńnia žyllovych umoŭ abo realizoŭvacca na aŭkcyjonach.
Pavodle jaho źviestak, na siońniašni dzień vyjaŭlena bolš za 12 tysiač pustujučych nadziełaŭ, vydadzienych raniej pad indyvidualnaje žyllovaje budaŭnictva, paviedamlaje Jeŭrapiejskaje radyjo dla Biełarusi sa spasyłkaj na «Interfaks».
