Heta byŭ dziažurny dopyt, ale jamu pakazali videazapis jahonych razmovaŭ ź viarboŭščykam KDB, zrobleny schavanaj kamieraj.
Michalevič u časie pres-kanfierencyi, na jakoj jon raskazaŭ, što ź im rabili ŭ KDB.
Jak raskazaŭ
«Adnym čałaviekam» akazaŭsia apieratyŭny supracoŭnik Kamiteta dziaržaŭnaj biaśpieki.Jon pakazaŭ Alesiu Michaleviču frahmient videazapisu adnoj ź jaho razmovaŭ z opierami ŭ časie źniavoleńnia ŭ SIZA KDB. Jak akazałasia, taja razmova zapisvałasia na schavanuju kamieru.
Sa słovaŭ Michaleviča, heta była «sustreča z apieratyŭnymi rabotnikami, jakaja mieła miesca paśla 10 studzienia, piku katavańniaŭ». Pakazany Michaleviču frahmient videa ŭtrymlivaŭ momant razmovy, kali Michalevič pje harbatu i havoryć z rabotnikami KDB pra zamiežnych dypłamataŭ u Minsku. «U niejki momant ja navat uśmichajusia», — kaža Michalevič.
«Z hetaha vyjdzie poŭnamietražny film», — sa słovaŭ Michaleviča, skazaŭ jamu apieratyŭny rabotnik KDB.U pratakoł dopytu imia hetaha rabotnika nie ŭnosiłasia, kaža Michalevič, bo razmova adbyłasia paśla zakančeńnia dopytu.
Michalevič z humaram usprymaje taki «kampramat» na siabie. Kali čałavieka paśla piaci raściažak u dzień pojać haračaj harbataj z šakaładam, viadoma, jon uśmichajecca. Pakaz filma na BT tolki źviernie ŭvahu hramadstva na zmahańnie palitviaźniaŭ, miarkuje jon.
Nahadajem, što 28 lutaha Aleś Michalevič šakavaŭ śviet svaim pryznańniem ab katavańniach u SIZA KDB. Jaho vypuścili na svabodu tolki pry ŭmovie, što jon padpiša damovu pra sieksoctva.
Michalevič skiravaŭ zvarot u AAN z patrabavańniem rasśledavać katavańni ŭ SIZA KDB. Pra jaho ŭčynak napisali najbujniejšyja suśvietnyja ŚMI.
Hołas Michaleviča, jak i jahonaj žonki Miłany, hučyć raźniavolena.Ceły ranak jany praviali ŭ vialikim napružańni. Było nie vyklučana, što Michaleviča znoŭ źmieściać u viaźnicu.
