(19.03.1921—29.07.2004)
Ty znajšoŭ załatuju žyłu—
Heta naš biełaruski šlach,
Na jakim u travie mahiły
I vuholle ŭ kryvi j ślazach.
Značyć tut my žyli spradvieku,
Značyć tut nam i dalej žyć
I ciačy ŭ akijany rekam,
Našym rekam nie znać miažy.
I Jeŭropa ni niedzie ŭ dali,
A jana jość i budzie tut.
My stahodździ jaje šukali
Ledź nie traciačy rodny kut.
I minułasia ŭsio, nie źnikli
Našy mova, pałacy, kroŭ.
“Adkažy kaho lubiš?!”—krykni
I pačuješ niaźmienna znoŭ:
“Ja lublu Biełaruś!” I ŭ sercach
Słovam hetym zaŭsiody žyć,
Bo ab ich, jak ab ścieny, bjecca
I viatryska, i mieč čužy.
I tabie bolej tut nie treba
Aničoha, čym rodny kraj,
Nad jakim załatoje nieba,
Dzie šlach Mlečny, jak šlach u raj.
Ty addaŭ załatuju žyłu
Biełarusam, što buduć žyć
U krainie, dzie ŭ kvietkach mahiły
I stajać na mahiłach kryžy…
25-27.10.2008
