Łukašenka: Rasija hatovaja dać $6 miljardaŭ. Kudryn udakładniŭ: tolki ŭzamien za pryvatyzacyju dapoŭniena 82

Pra heta Alaksandr Łukašenka zajaviŭ, prymajučy z dakładam prem'jer-ministra Michaiła Miaśnikoviča, paviedamlaje BIEŁTA.

«Ja tolki što razmaŭlaŭ z prezidentam Rasii Dźmitryjem Anatoljevičam Miadźviedzievym. Jon patelefanavaŭ mnie.

U nas iduć pieramovy z Rasijskaj Fiederacyjaj ab pradastaŭleńni stabilizacyjnaha kredytu na padtrymańnie kursu biełaruskaha rubla. Pa ŭsich pieramovach

jany hatovyja da taho, kab terminova, kali heta treba, i nie terminova, kali heta nam nie treba, adreahavać na heta. I heta prykładna $ 3,1 młrd, kali my, viadoma, budziem padpisvać ź imi adpaviednaje pahadnieńnie»,

 — skazaŭ Alaksandr Łukašenka.

Alaksandr Łukašenka dadaŭ: «Prykładna $ 3 młrd — heta budučyja prodažy našych tavaraŭ [nie zusim jasnaja zajava — Red.]. Nas hatovyja prakredytavać.

Razam vychodzić 6 ź lišnim młrd dalaraŭ — hetaha dastatkova ŭ hetym hodzie nie tolki dla stabilizacyi,

ale i dla taho, kab mieć salidnyja zołatavalutnyja reziervy».

«Ale pry hetym treba mieć na ŭvazie, što ekanomika ŭ nas usio-tki raście, VUP 112,3% da anałahičnaha pieryjadu minułaha hoda — heta vysoka. Viadoma, krychu srodkaŭ nie chapaje, pakolki jašče vysokija ceny na naftu, syravinu, kamplektujučyja i h.d. Heta abjektyŭna. Ale heta časovyja ciažkaści, i ja chacieŭ by, kab urad i Nacyjanalny bank nie vielmi tut ščyravali ŭ płanie pazyčańnia srodkaŭ, bo ich daviadziecca viartać.

Tamu aryjentacyja na toje, što žyć treba pa srodkach», — sam sabie zapiarečyŭ Łukašenka.

Bo ž 6 miljardaŭ — heta rekordnaje razavaje pazyčańnie dla Biełarusi.

«Mnie, jak vy viedajecie, paviedamlaje hrupa, jakaja zajmajecca manitorynham valutnaha i spažyvieckaha rynkaŭ. Ja chacieŭ by ad vas pačuć pra ŭsio, što adbyvajecca na valutnym i spažyvieckim rynkach pierš za ŭsio. Ja viedaju, vy ŭčora źbiralisia i nibyta vypracavali jašče adno čarhovaje rašeńnie. Ale jašče raz chaču vas papiaredzić, kab vy mnie pradstavili abjektyŭnuju acenku, kab ja narešcie moh zrabić peŭnyja vysnovy, bo dakładčykaŭ šmat, a vysnova pavinna być adna», — skazaŭ Alaksandr Łukašenka, źviartajučysia da prem'jer-ministra. Što jon mieŭ na ŭvazie, aficyjoznyja ahienctvy nie tłumačać.

Paźniej krynica ŭ kiraŭnictvie Rasii źliła rasijskamu ahienctvu «Interfaks» sapraŭdnuju sutnaść prapanovy Kramla. Jana zvodzicca da žadańnia Rasii kupić reštu akcyj «Biełtranshaza». Kaštavać jana moža kala 3 młrd dalaraŭ.

Pieršyja 50% «Hazprom» nabyŭ za 2,5 miljarda.

A ministr finansaŭ Rasii Alaksiej Kudryn rasstaviŭ usie kropki nad «i»: «Praduhledžvajecca, što dla padtrymańnia płaciožnaha bałansu budzie pryvatyzavany šerah aktyvaŭ: biełaruski bok budzie sam vyznačać, jakija heta aktyvy, u jakija terminy. Sychodziačy z patrebaŭ hetaha hodu — heta prykładna kala $3 młrd». Voś jaki «budučy prodaž našych tavaraŭ» mieŭsia na ŭvazie.

A voś pra kredyt na 2011 hod havorka pa-raniejšamu idzie tolki na miljard dalaraŭ, i nie ź biudžetu Rasii, a z Antykryzisnaha fondu JeŭrAzES.

Siarhiej Hiezhała

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH