Abskardžańnie sankcyj ES — dastatkova ciažki praces, bo nieviadoma, u jakuju mižnarodnuju strukturu treba źviartacca. Pra heta zajaviŭ žurnalistam 30 červienia ministr justycyi Biełarusi Viktar Hałavanaŭ.
Pry hetym jon padkreśliŭ: «My znojdziem, kudy skardzicca».
Hałavanaŭ ličyć uviadzieńnie sankcyj z boku ES «biesprecedentnym krokam», tamu što heta nie adpaviadaje mižnarodnamu pravu.
Kiraŭnik Miniusta taksama paviedamiŭ, što adpaviednych daručeńniaŭ pa abskardžańni sankcyj ES u Miniust nie pastupała. Ale, zaznačyŭ jon, kali takoje daručeńnie pastupić, ministerstva padrychtuje adpaviednyja dakumienty.
***
Rašeńnie ab pašyreńni sankcyj da Biełarusi ES pryniaŭ 20 červienia. U śpisie kampanij, na jakija raspaŭsiudžvajucca sankcyi ES, — ZAT «Biełtechekspart», ZAT
23 červienia padčas naviedvańnia Bresckaj vobłaści Alaksandr Łukašenka nazvaŭ ekanamičnyja sankcyi Jeŭrasajuza «drobnymi błyšynymi ŭkusami».
«Ale kali nas buduć tuzać z punktu hledžańnia ekanomiki, my taksama znojdziem čym adkazać. U nas niamała kampanij pracujuć tut i ŭłasnaść majuć, pa jakich my vielmi baluča možam udaryć», — zajaviŭ Łukašenka.
