Videarehistratar aŭtainśpiekcyi zafiksavaŭ 10 km pahoni za niećviarozaj kampanijaj u Smarhonskim rajonie.
Kampanija maładych ludziej pryjechała z Maładziečna ŭ Smarhonski rajon, paviedamlaje sajt DAI Hrodna i Hrodzienskaj vobłaści. Dobra vypili, paśla čaho pajechali pakatacca. Uładalnik mašyny sieŭ zzadu, a za rul pasadzili «bolš ćviarozaha». Uvahu inśpiektaraŭ DAI pryciahnuła taja akaličnaść, što ŭ sałonie aŭtamabila znachodziłasia ludziej bolš dazvolenaha. Jak paźniej vyśvietliłasia, razam z kiroŭcam ich było vosiem. Na ŭklučanyja majački siniaha i čyrvonaha koleru patrulnaha aŭtamabila lichač adreahavaŭ nieadekvatna. Pahonia praciahvałasia kala dziesiaci kiłamietraŭ.
Na vialikaj chutkaści kiroŭca stvaraŭ pahrozu inšym udzielnikam darožnaha ruchu, adzin raz navat praskočyŭ čyhunačny pierajezd na čyrvony sihnał śviatłafora. Na viražach z aŭtamabila vylatali rečy. A adzin z pasažyraŭ u hety čas jechaŭ z vysunutymi z pravaha zadniaha akna nahami. spyniłasia, kiroŭca BMW vyskačyŭ i sprabavaŭ schavacca ŭ les. Daloka nie ŭciok. Nie čakaŭ, što tam bałota.
Videa pahoni za niećviarozaj kampanijaj — pieršaje ŭ novym raździele sajta Hrodzienskaj DAI. U im buduć vykładacca videaroliki parušeńniaŭ praviłaŭ darožnaha ruchu, zroblenyja videarehistrataram z aŭtamabila DAI ŭ časie rejdaŭ pa Hrodna i vobłaści.
